«Спаси, Господи!». Спасибо, что посетили наш сайт, перед тем как начать изучать информацию, просим подписаться на наше православное сообщество в Инстаграм Господи, Спаси и Сохрани † — https://www.instagram.com/spasi.gospodi/ . В сообществе больше 60 000 подписчиков.

Нас, единомышленников, много и мы быстро растем, выкладываем молитвы, высказывания святых, молитвенные просьбы, своевременно выкладывам полезную информацию о праздниках и православных событиях… Подписывайтесь. Ангела Хранителя Вам!

Часто мы можем услышать такое понятие как молебен. Что это такое? Молебен – это особый вид богослужения, во время которого обращаются с просьбами к Господу, Богородице и святым о послании благодати и милости за получение благ. А что такое водосвятный молебен в церкви?

Это праздник, во время которого происходит освящение воды. Основным большом праздником принято считать Крещение, но бывают и малые водосвятные молебны. Именно поэтому освященную воду взять в храме можно в любое время. Эти молебны Вы можете заказать и самостоятельно с именами Ваших близких.

Во время такой молитвы священнослужитель будет просить о здоровье для тех, о ком молится. Если Вы присутствовали на ней, то по окончанию Вы сможете набрать воды домой.

Чаще всего такие молебени заказывают по таким случаям как:

  • Путешествия
  • Болезни
  • Для вразумления заблудшего

Зачастую заказывают молебен святому, имя которого Вы носите. Рекомендуют делать это в день именин. Если Вы делаете это в другой день, то желательно знать, какой святой будет наилучшим помощником в любой мирской проблеме и ситуации.

Как заказать молебен с акафистом о здравии с водосвятием

Церковь строго устанавливает порядок для водосвятных служб. Лучше об этом предварительно осведомиться. Бывает утреннее и вечернее, но чаще читают после утреннего священнодействия.

Молебен с акафистом состоит из кондаков, икосов, завершающей молитвы. Кондаки кратко повествуют о празднике, жизни Святого, икос — прославляющая песнь того, к кому обращается служитель. Завершается молитвой к Святому, прошением на освящение.

До начала богослужения необходимо подать записку с указанием:

  • к кому обращено совершение молебна (Пресвятой Богородице, ко Господу, имя Святого или нескольких);
  • церковных имен тех, о ком будет молитва в родительном падеже (в одной записке не более 10 имен);
  • запрещено вписываться фамилии;
  • имена сокращать нельзя;
  • нельзя молиться о самоубийцах и некрещеных людях;
  • сначала вписывают мужчин, затем женщин, отроков (дети от 7 до 17 лет), младенцев (все до 7 лет);
  • необходимо сделать разделение на несколько записок, если имен больше 10.

На специальный стол ставят чашу, наполненную водой. Рядом располагают Евангелие с Распятием. Во время молебна читают текст служебника, затем отрывок из Священного Писания, произносят просительное молитвословие (ектенью).

Молебен с акафистом состоит из кондаков, икосов, завершающей молитвы. Кондаки кратко повествуют о празднике, жизни святого, икос — прославляющая песнь того, к кому обращается служитель.

Завершается молитвой к святому. Далее следует прошение на водосвятие с трехкратным крестообразным погружением круцификса в воду.

Затем из наполненной чаши батюшка окропляет всех присутствующих водой. Служба заканчивается.

Обычно молебен — это непродолжительное богослужение. Но если читается акафист требуется больше времени, служба будет длиннее. Святая вода присутствует в церкви всегда, так как освящение проводится на протяжении всего года.

Часто прихожане заказывают молебен своему святому. Духовники советуют делать это на именинных днях. В любой другой день, лучше узнать к какому святому следует обращаться за помощью и указать это в записке.

Это интересно: Молитва Пресвятой Богородице об усопших — рассмотрим внимательно

Какие бывают водосвятные молебны

Во время водосвятного молебна освещается вода. Водосвятные молебны тоже отличаются друг от друга. Так, например агиасма – это чин великого освящения воды, который совершается на праздник Крещения Господня. Вода с этой службы хранится весь год, до следующего праздника.

Но бывает и малое освещение воды, которое совершается в любой день по согласованию с настоятелем храма. Некоторые храмы имеют традицию служить регулярные службы с водосвятием – для этого назначается определенный день и время, когда любой человек может прийти и поучаствовать в богослужении.

Спасибо что зашли на наш сайт, перед тем как начать чтение вы можете на интересную православную mail рассылку, для этого вам необходимо кликнуть по этой ссылке «»

Водосвятный молебен последование

В храмах подобные молебни проводят после литургии по нуждам и просьбам верующих. Во время их проведения в основном проводят малое освящение воды. Текст водосвятной молебни никогда не меняется.

Ритуал происходит определенным образом:

  • На середину церкви выносят стол и покрывают его. Затем ставят чашу с водой и кладут Евангелие и Крест. Перед чашей стоят зажженные свечи.
  • После возгласа священнослужителя произносится псалом 142-й.
  • После поют: Бог Господь и тропари. Во время этого иерей производит крестообразно кадит воду.
  • За прочтением псалма 50-го, тропарей и ектении, производят каждение храма или дома, в котором это происходит.
  • После этого читается прокимен и читается Апостол (Евр. 2, 14-18).
  • Затем проводится чтение Евангелие (Ин. 5, 2-4).
  • За этим произносят ектению:

Миром Господу помолимся , в которой возносятся прошения об освящении воды. В основном при этом происходит каждение воды. После чего священник произносит молитву об освящении воды.

Бывает, что читают и особенную молитву:

Боже великоименитый, творяй чудеса, имже несть числа! Прииди ныне к молящим Тя рабом Твоим, Владыко, и поели Духа Твоего Святаго и освяти воду сию: и даждь пиющим от нея и приемлющим и кропящимся ею рабом Твоим пременение страстен, оставление грехов, болезнем исцеление, и освобождение от всякого зла, и утверждение же и освящение домом и очищение всякая скверны, и навета диавольскаго отгнание: яко благословися и прославися пречестное и великолепое Имя Твое, Отца и Сына, и Святого Духа, ныне, и присно, и во веки веков. Аминь .

  • Затем священник берет Крест. Распятие он направляет к себе. Затем делает крестообразное движение поверх воды его нижней частью. После происходит погружение всего Креста в воду. В это же время поются тропари: Спаси, Господи, люди Твоя… (трижды) и Твоих даров… .
  • После этого иерей целует Крест, который вынули из воды, и кропит всех присутствующих и церковь.
  • Все по очереди прикладываются к кресту, а священник кропит каждого.
  • По завершению процессии те, кто заказал молебен, могут набрать воды.

Это было краткое описание всего того, что происходит и как происходит процесс полностью. Те, кто желает узнать полностью, могут ознакомится с текстом последования водосвятного молебна из видео в конце статьи.

Водосвятный молебен святителю Спиридону Тримифунтскому

Молитвы, которые обращают к этому Святому, помогут Вам:

  • Улучшить материальное состояние
  • Достичь успехов в делах
  • Привлечь денежное благосостояние

Часто рекомендуют заказывать молебни именно этому Святому, если у Вас не получается решить какие-то вопросы, связанные с этими сферами. Главное – это искренняя молитва и Ваше прошение будет услышано.

Нет разницы к Господу, Богородице или какому другому Святому Вы обращаете свою молитву и прошение – основное в этом деле – молитва от чистого сердца, искренность и чистота мыслей. Ведь только с помощью твердой веры мы сможем донести нашу просьбу до небес. Только искренняя вера может творить чудеса, которые порой так нам необходимы!

Да хранит Вас Господь!

В этом видео вы узнаете текст последование водосвятного молебна:

Последование общаго молебна

Диакон: Благослови́, влады́ко.

Священник: Благослове́н Бог наш всегда́, ны́не и при́сно, и во ве́ки веко́в.

И псалом 142:

Го́споди, услы́ши моли́тву мою́, внуши́ моле́ние мое́ во и́стине Твое́й, услы́ши мя в пра́вде Твое́й и не вни́ди в суд с рабо́м Твои́м, я́ко не оправди́тся пред Тобо́ю всяк живы́й. Я́ко погна́ враг ду́шу мою́, смири́л есть в зе́млю живо́т мой, посади́л мя есть в те́мных, я́ко ме́ртвыя ве́ка. И уны́ во мне дух мой, во мне смяте́ся се́рдце мое́. Помяну́х дни дре́вния, поучи́хся во всех де́лех Твои́х, в творе́ниих руку́ Твое́ю поуча́хся. Возде́х к Тебе́ ру́це мои́, душа́ моя́, я́ко земля́ безво́дная Тебе́. Ско́ро услы́ши мя, Го́споди, исчезе́ дух мой, не отврати́ лица́ Твоего́ от мене́, и уподо́блюся низходя́щым в ров. Слы́шану сотвори́ мне зау́тра ми́лость Твою́, я́ко на Тя упова́х. Скажи́ мне, Го́споди, путь во́ньже пойду́, я́ко к Тебе́ взях ду́шу мою́. Изми́ мя от враг мои́х, Го́споди, к Тебе́ прибего́х. Научи́ мя твори́ти во́лю Твою́, я́ко Ты еси́ Бог мой. Дух Твой благи́й наста́вит мя на зе́млю пра́ву. И́мене Твоего́ ра́ди, Го́споди, живи́ши мя, пра́вдою Твое́ю изведе́ши от печа́ли ду́шу мою́. И ми́лостию Твое́ю потреби́ши враги́ моя́ и погуби́ши вся стужа́ющыя души́ мое́й, я́ко аз раб Твой есмь.

Слава, и ныне: Аллилу́иа, трижды.

И Бог Господь: по гласу тропаря,

глас 4.

Бог Госпо́дь и яви́ся нам, благослове́н Гряды́й во и́мя Госпо́дне.

Стих 1: Испове́дайтеся Го́сподеви, я́ко благ, я́ко в век ми́лость Его́.

Стих 2: Обыше́дше обыдо́ша мя и и́менем Госпо́дним противля́хся им.

Стих 3: Не умру́, но жив бу́ду и пове́м дела́ Госпо́дня.

Стих 4: Ка́мень, его́же небрего́ша зи́ждущии, сей бысть во главу́ у́гла, от Го́спода бысть сей и есть ди́вен во очесе́х на́ших.

Аще молебен Богородице

тропарь сей, глас 4:

К Богоро́дице приле́жно ны́не притеце́м, / гре́шнии и смире́ннии, и припаде́м, / в покая́нии зову́ще из глубины́ души́: / Влады́чице, помози́, на ны милосе́рдовавши, / потщи́ся, погиба́ем от мно́жества прегреше́ний, / не отврати́ Твоя́ рабы́ тщи, / Тя бо и еди́ну наде́жду и́мамы. Дважды.

Слава, и ныне: Не умолчи́м никогда́, Богоро́дице, / си́лы Твоя́ глаго́лати, недосто́йнии: / а́ще бо Ты не бы предстоя́ла моля́щи, / кто бы нас изба́вил от толи́ких бед; / кто же бы сохрани́л до ны́не свобо́дны; / не отсту́пим, Влады́чице, от Тебе́, / Твоя́ бо рабы́ спаса́еши при́сно от вся́ких лю́тых.

Или тропарь святаго, Слава, и ныне: Богородичен его.

Таже псалом 50–ый:

Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя; я́ко беззако́ние мое́ аз зна́ю, и грех мой предо мно́ю есть вы́ну. Тебе́ Еди́ному согреши́х и лука́вое пред Тобо́ю сотвори́х, я́ко да оправди́шися во словесе́х Твои́х, и победи́ши внегда́ суди́ти Ти. Се бо, в беззако́ниих зача́т есмь, и во гресе́х роди́ мя ма́ти моя́. Се бо, и́стину возлюби́л еси́; безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си ра́дость и весе́лие; возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́нныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на олта́рь Твой тельцы́.

По сем канон Пресвятыя Богородицы, поемый во всякой скорби душевней и обстоянии.

Творение Феостирикта монаха, без ирмосов. Глас 8.

Песнь 1.

Припев: Пресвята́я Богоро́дице, спаси́ нас.

Или коему либо святому.

Мно́гими содержи́мь напа́стьми, / к Тебе́ прибега́ю, спасе́ния иски́й: / о, Ма́ти Сло́ва и Де́во, / от тя́жких и лю́тых мя спаси́.

Припев: Пресвята́я Богоро́дице, спаси́ нас.

Страсте́й мя смуща́ют прило́зи, / мно́гаго уны́ния испо́лнити мою́ ду́шу; / умири́, Отрокови́це, / тишино́ю Сы́на и Бо́га Твоего́, Всенепоро́чная.

Слава: Спа́са ро́ждшую Тя и Бо́га, / молю́, Де́во, изба́витися ми лю́тых: / к Тебе́ бо ны́не прибега́я, / простира́ю и ду́шу и помышле́ние.

И ныне: Неду́гующа те́лом и душе́ю, / посеще́ния Боже́ственнаго и промышле́ния от Тебе́ сподо́би, еди́на Богома́ти, / я́ко блага́я, Блага́го же Роди́тельница.

Песнь 3.

Пресвята́я Богоро́дице, спаси́ нас.

Предста́тельство и покро́в жи́зни моея́ / полага́ю Тя, Богороди́тельнице Де́во: / Ты мя окорми́ ко приста́нищу Твоему́, благи́х вино́вна; / ве́рных утвержде́ние, еди́на Всепе́тая.

Пресвята́я Богоро́дице, спаси́ нас.

Молю́, Де́во, душе́вное смуще́ние и печа́ли моея́ бу́рю разори́ти: / Ты бо, Богоневе́стная, / нача́льника тишины́ Христа́ родила́ еси́, еди́на Пречи́стая.

Слава: Благоде́теля ро́ждши до́брых вино́внаго, / благодея́ния бога́тство всем источи́, / вся бо мо́жеши, / я́ко си́льнаго в кре́пости Христа́ ро́ждши, Богоблаже́нная.

И ныне: Лю́тыми неду́ги и боле́зненными страстьми́ истяза́ему, Де́во, Ты ми помози́: / исцеле́ний бо неоску́дное Тя зна́ю сокро́вище, Пренепоро́чная, неиждива́емое.

По 3–й песни припеваем:

Богородице: Спаси́ от бед рабы́ Твоя́, Богоро́дице, / я́ко вси по Бо́зе к Тебе́ прибега́ем, / я́ко к неруши́мей Стене́ и Предста́тельству.

При́зри благосе́рдием, Всепе́тая Богоро́дице, / на мое́ лю́тое телесе́ озлобле́ние, / и исцели́ души́ моея́ боле́знь.

Спасителю: Изба́ви от бед рабы́ Твоя́, Многоми́лостиве, / я́ко мы усе́рдно к Тебе́ прибега́ем, / ми́лостивому Изба́вителю, всех Влады́це, / Го́споду Иису́су.

Святому: Моли́ Бо́га о нас, имярек, / я́ко мы усе́рдно к тебе́ прибега́ем, / ско́рому помо́щнику и моли́твеннику о душа́х на́ших.

Таже диакон глаголет ектению:

Диакон: Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Лик: Го́споди, поми́луй, трижды.

Еще́ мо́лимся о Вели́ком Господи́не и отце́ на́шем Святе́йшем Патриа́рхе имярек, и о господи́не на́шем преосвяще́ннейшем митрополи́те (или архиепи́скопе, или епи́скопе) (имярек), и о всей во Христе́ бра́тии на́шей.

Лик: Го́споди, поми́луй, трижды.

Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.

Лик: Го́споди, поми́луй, трижды.

Еще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии, благопоспеше́нии рабо́в Бо́жиих имярек, и о е́же сохрани́тися свято́му хра́му сему́ (аще во обители: святе́й оби́тели сей).

Лик: Го́споди, поми́луй, трижды.

Еще́ мо́лимся за всю бра́тию и за вся христиа́ны.

Лик: Го́споди, поми́луй, трижды.

Возглас: Я́ко ми́лостив и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Тропарь, глас 2:

Моле́ние те́плое и стена́ необори́мая, / ми́лости исто́чниче, мiрови прибе́жище, / приле́жно вопие́м Ти: / Богоро́дице Влады́чице, предвари́, / и от бед изба́ви нас, / еди́на вско́ре предста́тельствующая.

Или коему либо святому.

Песнь 4.

Пресвята́я Богоро́дице, спаси́ нас.

Страсте́й мои́х смуще́ние, / ко́рмчию ро́ждшая Го́спода, / и бу́рю утиши́ мои́х прегреше́ний, Богоневе́стная.

Пресвята́я Богоро́дице, спаси́ нас.

Милосе́рдия Твоего́ бе́здну призыва́ющу пода́ждь ми, / я́же Благосе́рдаго ро́ждшая и Спа́са всех пою́щих Тя.

Пресвята́я Богоро́дице, спаси́ нас.

Наслажда́ющеся, Пречи́стая, Твои́х дарова́ний, / благода́рственное воспева́ем пе́ние, / ве́дуще Тя Богома́терь.

Слава: На одре́ боле́зни моея́ и не́мощи низлежа́щу ми, / я́ко благолюби́ва, помози́, Богоро́дице, / еди́на Присноде́во.

И ныне: Наде́жду и утвержде́ние и спасе́ния сте́ну недви́жиму иму́ще Тя, Всепе́тая, / неудо́бства вся́каго избавля́емся.

Песнь 5.

Пресвята́я Богоро́дице, спаси́ нас.

Испо́лни, Чи́стая, весе́лия се́рдце мое́, / Твою́ нетле́нную даю́щи ра́дость, / весе́лия ро́ждшая Вино́внаго.

Пресвята́я Богоро́дице, спаси́ нас.

Изба́ви нас от бед, Богоро́дице Чи́стая, / ве́чное ро́ждши избавле́ние, / и мир, всяк ум преиму́щий.

Слава: Разреши́ мглу прегреше́ний мои́х, Богоневе́сто, / просвеще́нием Твоея́ све́тлости, / Свет ро́ждшая Боже́ственный и преве́чный.

И ныне: Исцели́, Чи́стая, души́ моея́ неможе́ние, / посеще́ния Твоего́ сподо́бльшая, / и здра́вие моли́твами Твои́ми пода́ждь ми.

Песнь 6.

Пресвята́я Богоро́дице, спаси́ нас.

Сме́рти и тли я́ко спасл есть, / Сам Ся изда́в сме́рти, / тле́нием и сме́ртию мое́ естество́, я́то бы́вшее, Де́во, / моли́ Го́спода и Сы́на Твоего́, / враго́в злоде́йствия мя изба́вити.

Пресвята́я Богоро́дице, спаси́ нас.

Предста́тельницу Тя живота́ вем / и храни́тельницу тве́рду, Де́во, / и напа́стей реша́щу молвы́, и нало́ги бесо́в отгоня́ющу; / и молю́ся всегда́, от тли страсте́й мои́х изба́вити мя.

Слава: Я́ко сте́ну прибе́жища стяжа́хом, / и душ всесоверше́нное спасе́ние, / и простра́нство в ско́рбех, Отрокови́це, / и просвеще́нием Твои́м при́сно ра́дуемся: / о, Влады́чице, и ны́не нас от страсте́й и бед спаси́.

И ныне: На одре́ ны́не немощству́яй лежу́, / и несть исцеле́ния пло́ти мое́й: / но, Бо́га и Спа́са ми́ру и Изба́вителя неду́гов ро́ждшая, / Тебе́ молю́ся, Благо́й: / от тли неду́г возста́ви мя.

По 6–й песни: припевы, якоже и по 3–й песни.

Припевы Богородицы: Спаси́ от бед рабы́ Твоя́, Богоро́дице, / я́ко вси по Бо́зе к Тебе́ прибега́ем, / я́ко к неруши́мей Стене́ и Предста́тельству.

При́зри благосе́рдием, Всепе́тая Богоро́дице, / на мое́ лю́тое телесе́ озлобле́ние, / и исцели́ души́ моея́ боле́знь.

Таже диакон глаголет ектению:

Диакон: Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Лик: Го́споди, поми́луй, трижды.

Еще́ мо́лимся о Вели́ком Господи́не и отце́ на́шем Святе́йшем Патриа́рхе имярек, и о господи́не на́шем преосвяще́ннейшем митрополи́те (или архиепи́скопе, или епи́скопе) (имярек), и о всей во Христе́ бра́тии на́шей.

Лик: Го́споди, поми́луй, трижды.

Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.

Лик: Го́споди, поми́луй, трижды.

Еще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии, благопоспеше́нии рабо́в Бо́жиих имярек, и о е́же сохрани́тися свято́му хра́му сему́ (аще во обители: святе́й оби́тели сей).

Лик: Го́споди, поми́луй, трижды.

Еще́ мо́лимся за всю бра́тию и за вся христиа́ны.

Лик: Го́споди, поми́луй, трижды.

Возглас: Я́ко ми́лостив и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Кондак, глас 6:

Предста́тельство христиа́н непосты́дное, / хода́тайство ко Творцу́ непрело́жное, / не пре́зри гре́шных моле́ний гла́сы, / но предвари́, я́ко Блага́я, на по́мощь нас, / ве́рно зову́щих Ти; / ускори́ на моли́тву, и потщи́ся на умоле́ние, / предста́тельствующи при́сно, Богоро́дице, чту́щих Тя.

Или коему либо святому.

Диакон: Во́нмем.

Священник: Мир всем.

Людие: И ду́хови твоему́.

Диакон: Прему́дрость́

Прокимен, глас 4:

Помяну́ и́мя Твое́ / во вся́ком ро́де и ро́де. Стих: Слы́ши, Дщи, и виждь, и приклони́ у́хо Твое́.

Или коему либо святому.

Диакон: Го́споду помо́лимся.

Лик: Го́споди, поми́луй.

Священник возглашает: Я́ко свят еси́, Бо́же наш, и во святы́х почива́еши, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Диакон другий прокимен:

Вся́кое дыха́ние / да хва́лит Го́спода. Стих: Хвали́те Бо́га во святы́х Его́, хвали́те Его́ в утверже́нии си́лы Его́.

И посем возглашает диакон: И о сподо́битися нам слы́шанию свята́го Ева́нгелия Го́спода Бо́га мо́лим.

Лик: Го́споди, поми́луй, трижды.

Диакон: Прему́дрость, про́сти, услы́шим свята́го Ева́нгелия.

Священник: Мир всем.

Людие: И ду́хови твоему́.

И абие: От Луки́ свята́го Ева́нгелия чте́ние.

Лик: Сла́ва Тебе́, Го́споди, сла́ва Тебе́.

Диакон: Во́нмем.

Евангелие от Луки, зачало 4:

Во дни о́ны, воста́вши, Мариа́м, и́де в го́рняя со тща́нием, во град Иу́дов. И вни́де в дом Заха́риин, и целова́ Елисаве́т. И бысть я́ко услы́ша Елисаве́т целова́ние Мари́ино, взыгра́ся младе́нец во чре́ве ея́: и испо́лнися Ду́ха Свя́та Елисаве́т. И возопи́ гла́сом ве́лиим, и рече́: благослове́на Ты в жена́х, и благослове́н плод чре́ва Твоего́. И отку́ду мне сие́, да прии́де Ма́ти Го́спода моего́ ко мне? Се бо, я́ко бысть глас целова́ния Твоего́ во у́шию мое́ю, взыгра́ся младе́нец ра́дощами во чре́ве мое́м. И блаже́нна Ве́ровавшая, я́ко бу́дет соверше́ние глаго́ланным Ей от Го́спода. И рече́ Мариа́м: вели́чит душа́ Моя́ Го́спода, и возра́довася дух Мой о Бо́зе Спа́се Мое́м. Я́ко призре́ на смире́ние Рабы́ Своея́: се бо, отны́не ублажа́т Мя вси ро́ди. Я́ко сотвори́ Мне вели́чие Си́льный, и свя́то и́мя Его́. Пребы́сть же Мариа́м с не́ю я́ко три ме́сяцы, и возврати́ся в дом Свой.

Или прилучившееся Евангелие.

Лик: Сла́ва Тебе́, Го́споди, сла́ва Тебе́.

И абие, Слава, глас 6:

Моли́твами Богоро́дицы, / Ми́лостиве, очи́сти / мно́жества согреше́ний на́ших.

Или: Моли́твами святаго , / Ми́лостиве:

И ныне: Моли́твами Богоро́дицы, / Ми́лостиве, очи́сти / мно́жества согреше́ний на́ших.

Поми́луй мя, Бо́же, / по вели́цей ми́лости Твое́й / и по мно́жеству щедро́т Твои́х / очи́сти беззако́ние мое́.

Стихира, глас 6:

Не вве́ри мя челове́ческому предста́тельству, / Пресвята́я Влады́чице, / но приими́ моле́ние раба́ Твоего́: / скорбь бо обдержи́т мя, / терпе́ти не могу́ де́монскаго стреля́ния, / покро́ва не и́мам, / ниже́ где прибе́гну, окая́нный, / всегда́ побежда́емь, / и утеше́ния не и́мам, ра́зве Тебе́, Влады́чице мiра, / упова́ние и предста́тельство ве́рных, / не пре́зри моле́ние мое́, поле́зно сотвори́.

Или коему либо святому.

Таже глаголет священник: Спаси́, Бо́же, лю́ди Твоя́ и благослови́ достоя́ние Твое́, посети́ мiр Твой ми́лостию и щедро́тами, возвы́си рог христиа́н правосла́вных и низпосли́ на ны ми́лости Твоя́ бога́тыя, моли́твами всепречи́стыя Влады́чицы на́шея Богоро́дицы и Присноде́вы Мари́и, си́лою Честна́го и Животворя́щаго Креста́, предста́тельствы честны́х Небе́сных Си́л безпло́тных, честна́го, сла́внаго проро́ка, Предте́чи и Крести́теля Иоа́нна, святы́х сла́вных и всехва́льных Апо́стол, и́же во святы́х оте́ц на́ших и вселе́нских вели́ких учи́телей и святи́телей, Васи́лия Вели́каго, Григо́рия Богосло́ва и Иоа́нна Златоу́стаго, и́же во святы́х отца́ на́шего Никола́я, архиепи́скопа Мирлики́йскаго, чудотво́рца, святы́х равноапо́стольных Мефо́дия и Кири́лла, учи́телей слове́нских, святы́х равноапо́стольных вели́каго кня́зя Влади́мира и вели́кия княги́ни О́льги, и́же во святы́х оте́ц на́ших всея́ Росси́и чудотво́рцев, Михаи́ла, Петра́, Алекси́я, Ио́ны, Фили́ппа и Ермоге́на, святы́х, сла́вных и добропобе́дных му́чеников, преподо́бных и богоно́сных оте́ц на́ших, святы́х и пра́ведных богооте́ц Иоаки́ма и А́нны (и святаго имярек, егоже есть храм и егоже есть день), и всех святы́х. Мо́лим Тя́, многоми́лостиве Го́споди, услы́ши нас, гре́шных, моля́щихся Тебе́, и поми́луй нас.

Лик: Го́споди, поми́луй, 12.

Возгласно: Ми́лостию и щедро́тами и человеколю́бием единоро́днаго Твоего́ Сы́на, с Ни́мже благослове́н еси́, со пресвяты́м, и благи́м, и животворя́щим Твои́м Ду́хом, ны́не и при́сно, и во ве́ки веко́в.

Лик: Ами́нь.

Песнь 7.

Пресвята́я Богоро́дице, спаси́ нас.

На́ше спасе́ние я́коже восхоте́л еси́, Спа́се, устро́ити, / во утро́бу Де́выя всели́лся еси́, / Ю́же ми́ру предста́тельницу показа́л еси́: / оте́ц на́ших Бо́же, благослове́н еси́.

Пресвята́я Богоро́дице, спаси́ нас.

Воли́теля ми́лости, Его́же родила́ еси́, Ма́ти чи́стая, / умоли́ изба́витися от прегреше́ний и душе́вных скверн ве́рою зову́щим: / оте́ц на́ших Бо́же, благослове́н еси́.

Слава: Сокро́вище спасе́ния и Исто́чник нетле́ния, Тя Ро́ждшую, / и столп утвержде́ния, и дверь покая́ния, зову́щим показа́л еси́: / оте́ц на́ших Бо́же, благослове́н еси́.

И ныне: Теле́сныя сла́бости и душе́вныя неду́ги, Богороди́тельнице, / любо́вию приступа́ющих к кро́ву Твоему́, Де́во, исцели́ти сподо́би, / Спа́са Христа́ нам ро́ждшая.

Песнь 8.

Пресвята́я Богоро́дице, спаси́ нас.

По́мощи я́же от Тебе́ тре́бующия не пре́зри, Де́во, / пою́щия и превознося́щия Тя во ве́ки.

Пресвята́я Богоро́дице, спаси́ нас.

Неможе́ние души́ моея́ исцеля́еши и теле́сныя боле́зни, Де́во, / да Тя просла́влю, Чи́стая, во ве́ки.

Слава: Исцеле́ний бога́тство излива́еши ве́рно пою́щим Тя, Де́во, / и превознося́щим неизрече́нное Твое́ Рождество́.

И ныне: Напа́стей Ты прило́ги отгоня́еши и страсте́й нахо́ды, Де́во: / те́мже Тя пое́м во вся ве́ки.

Песнь 9.

Пресвята́я Богоро́дице, спаси́ нас.

То́ка слез мои́х не отврати́ся, / Я́же от вся́каго лица́ вся́ку сле́зу отъе́мшаго, / Де́во, Христа́ ро́ждшая.

Пресвята́я Богоро́дице, спаси́ нас.

Ра́дости мое́ се́рдце испо́лни, Де́во, / Я́же ра́дости прие́мшая исполне́ние, / грехо́вную печа́ль потребля́ющи.

Пресвята́я Богоро́дице, спаси́ нас.

Приста́нище и предста́тельство к Тебе́ прибега́ющих / бу́ди, Де́во, и стена́ неруши́мая, / прибе́жище же и покро́в и весе́лие.

Слава: Све́та Твоего́ заря́ми просвети́, Де́во, / мрак неве́дения отгоня́ющи, / благове́рно Богоро́дицу Тя испове́дающих.

И ныне: На ме́сте озлобле́ния не́мощи смири́вшагося, Де́во, исцели́, / из нездра́вия во здра́вие претворя́ющи.

И абие:

Досто́йно есть я́ко вои́стинну / блажи́ти Тя, Богоро́дицу, / Присноблаже́нную и Пренепоро́чную / и Ма́терь Бо́га на́шего. / Честне́йшую Херуви́м / и сла́внейшую без сравне́ния Серафи́м, / без истле́ния Бо́га Сло́ва ро́ждшую, / су́щую Богоро́дицу Тя велича́ем.

И аще молебен Богородице, кадит священник жертвенник и люди, и мы поем настоящия Богородичны:

Вы́шшую небе́с, / и чи́стшую све́тлостей со́лнечных, / изба́вльшую нас от кля́твы, / Влады́чицу мiра / пе́сньми почти́м.

От мно́гих мои́х грехо́в / немощству́ет те́ло, / немощству́ет и душа́ моя́: / к Тебе́ прибега́ю Благода́тней, / наде́жде ненаде́жных, / Ты ми помози́.

Влады́чице и Ма́ти Изба́вителя, / приими́ моле́ние / недосто́йных раб Твои́х, / да хода́тайствуеши к Ро́ждшемуся от Тебе́. / О Влады́чице ми́ра, бу́ди Хода́таица́

Пое́м приле́жно Тебе́ песнь ны́не / всепе́той Богоро́дице ра́достно, / со Предте́чею, и все́ми святы́ми, / моли́ Богоро́дице, / е́же уще́дрити ны.

Вся А́нгелов во́инства, / Предте́че Госпо́день, / апо́столов двоенадеся́тице, святи́и вси / с Богоро́дицею, сотвори́те моли́тву, / во е́же спасти́ся нам.

Таже: Трисвятое. Пресвята́я Тро́ице: О́тче наш: Священник: Я́ко Твое́ есть Ца́рство: Чтец: Ами́нь.

И тропари сия, глас 6:

Поми́луй нас, Го́споди, поми́луй нас; / вся́каго бо отве́та недоуме́юще, / сию́ Ти моли́тву / я́ко Влады́це, гре́шнии прино́сим: / поми́луй нас.

Слава: Го́споди, поми́луй нас, / на Тя бо упова́хом; / не прогне́вайся на ны зело́, / ниже́ помяни́ беззако́ний на́ших, / но при́зри и ны́не я́ко благоутро́бен, / и изба́ви ны от враг на́ших; / Ты бо еси́ Бог наш, / и мы лю́дие Твои́, / вси дела́ руку́ Твое́ю, / и и́мя Твое́ призыва́ем.

И ныне: Милосе́рдия две́ри отве́рзи нам, / благослове́нная Богоро́дице, / наде́ющиися на Тя да не поги́бнем, / но да изба́вимся Тобо́ю от бед: / Ты бо еси́ спасе́ние ро́да христиа́нскаго.

Или тропарь святаго, Слава, и ныне: Богородичен его.

Таже диакон глаголет ектению:

Диакон: Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Лик: Го́споди, поми́луй, трижды.

Еще́ мо́лимся о Вели́ком Господи́не и отце́ на́шем Святе́йшем Патриа́рхе имярек, и о господи́не на́шем преосвяще́ннейшем митрополи́те (или архиепи́скопе, или епи́скопе) (имярек), и о всей во Христе́ бра́тии на́шей.

Лик: Го́споди, поми́луй, трижды.

Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.

Лик: Го́споди, поми́луй, трижды.

Еще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии, благопоспеше́нии рабо́в Бо́жиих имярек, и о е́же сохрани́тися свято́му хра́му сему́ (аще во обители: святе́й оби́тели сей).

Лик: Го́споди, поми́луй, трижды.

Еще́ мо́лимся за всю бра́тию и за вся христиа́ны.

Лик: Го́споди, поми́луй, трижды.

Возглас: Я́ко ми́лостив и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

По ектении молитва, кому служится молебен.

Аще Пресвятей Богородице, иерей: Ко Пресвяте́й Влады́чице Де́ве Богоро́дице помо́лимся.

Лик: Пресвята́я Богоро́дице, спаси́ нас.

Молитва ко Пресвятой Богородице.

О Пресвята́я Госпоже́ Влады́чице Богоро́дице, вы́шши еси́ всех А́нгел и Арха́нгел, и всея́ тва́ри честне́йши, Помо́щница еси́ оби́димых, ненаде́ющихся наде́яние, убо́гих Засту́пница, печа́льных утеше́ние, а́лчущих корми́тельница, наги́х одея́ние, больны́х исцеле́ние, гре́шных спасе́ние, христиа́н всех поможе́ние и заступле́ние. О Всеми́лостивая Госпоже́, Де́во Богоро́дице Влады́чице, ми́лостию Твое́ю спаси́ и поми́луй святе́йшия патриа́рхи правосла́вныя, и преосвяще́нныя митрополи́ты, архиепи́скопы и епи́скопы, и весь свяще́ннический и и́ноческий чин, и вся правосла́вныя христиа́ны ри́зою Твое́ю честно́ю защити́, и умоли́, Госпоже́, из Тебе́ без се́мене воплоти́вшагося Христа́ Бо́га на́шего, да препоя́шет нас си́лою Свое́ю свы́ше, на неви́димыя и ви́димыя враги́ на́ша. О Всеми́лостивая Госпоже́ Влады́чице Богоро́дице, воздви́гни нас из глубины́ грехо́вныя и изба́ви нас от гла́да, губи́тельства, от тру́са и пото́па, от огня́ и меча́, от нахожде́ния иноплеме́нных и междоусо́бныя бра́ни, и от напра́сныя сме́рти, и от нападе́ния вра́жия, и от тлетво́рных ветр, и от смертоно́сныя я́звы, и от вся́каго зла. Пода́ждь, Госпоже́, мир и здра́вие рабо́м Твои́м, всем правосла́вным христиа́ном, и просвети́ им ум и о́чи серде́чныя, е́же ко спасе́нию; и сподо́би ны, гре́шныя рабы́ Твоя́, Ца́рствия Сы́на Твоего́, Христа́ Бога на́шего, я́ко держа́ва Его́ благослове́нна и препросла́вленна, со Безнача́льным Его́ Отце́м, и с Пресвяты́м, и Благи́м, и Животворя́щим Его́ Ду́хом, ны́не и при́сно, и во ве́ки веко́в, ами́нь.

Или молитва иная.

Цари́це моя́ преблага́я, наде́ждо моя́ Богоро́дице, прия́телище си́рых и стра́нных предста́тельнице, скорбя́щих ра́досте, оби́димых покрови́тельнице́ Зри́ши мою́ беду́, зри́ши мою́ скорбь, помози́ ми я́ко не́мощну, окорми́ мя я́ко стра́нна. Оби́ду мою́ ве́си, разреши́ ту, я́ко во́лиши: я́ко не и́мам ины́я по́мощи ра́зве Тебе́, ни ины́я предста́тельницы, ни благи́я уте́шительницы, то́кмо Тебе́, о Богома́ти, я́ко да сохрани́ши мя и покры́еши во ве́ки веко́в. Ами́нь.

Или молитва иная.

К кому́ возопию́, Влады́чице? К кому́ прибе́гну в го́рести мое́й, а́ще не к Тебе́, Цари́це Небе́сная? Кто плач мой и воздыха́ние мое прии́мет, а́ще не Ты, Пренепоро́чная, наде́ждо христиа́н и прибе́жище нам, гре́шным? Кто па́че Тебе́ в напа́стех защити́т? Услы́ши у́бо стена́ние мое́, и приклони́ у́хо Твое́ ко мне, Влады́чице Ма́ти Бо́га моего́, и не пре́зри мене́, тре́бующаго Твоея́ по́мощи, и не отри́ни мене́, гре́шнаго. Вразуми́ и научи́ мя, Цари́це Небе́сная; не отступи́ от мене́, раба́ Твоего́, Влады́чице, за ропта́ние мое́, но бу́ди мне Ма́ти и засту́пница. Вруча́ю себе́ ми́лостивому покро́ву Твоему́: приведи́ мя, гре́шнаго, к ти́хой и безмяте́жной жи́зни, да пла́чуся о гресе́х мои́х. К кому́ бо прибе́гну пови́нный аз, а́ще не к Тебе́, упова́нию и прибе́жищу гре́шных, наде́ждою на неизрече́нную ми́лость Твою́ и щедро́ты Твоя́ окриля́емь? О, Влады́чице Цари́це Небе́сная́ Ты ми упова́ние и прибе́жище, покро́в и заступле́ние и по́мощь. Цари́це моя́ преблага́я и ско́рая засту́пнице́ Покры́й Твои́м хода́тайством моя́ прегреше́ния, защити́ мене́ от враг ви́димых и неви́димых; умягчи́ сердца́ злых челове́к, возстаю́щих на мя. О, Ма́ти Го́спода моего́ Творца́́ Ты еси́ ко́рень де́вства и неувяда́емый цвет чистоты́. О, Богороди́тельнице́ Ты пода́ждь ми по́мощь немощству́ющему плотски́ми страстьми́ и боле́знующему се́рдцем, еди́но бо Твое́ и с Тобо́ю Твоего́ Сы́на и Бо́га на́шего и́мам заступле́ние; и Твои́м пречу́дным заступле́нием да изба́влюся от вся́кия беды́ и напа́сти, о Пренепоро́чная и Пресла́вная Бо́жия Ма́ти Мари́е. Те́мже со упова́нием глаго́лю и вопию́: ра́дуйся, благода́тная, ра́дуйся, обра́дованная; ра́дуйся, преблагослове́нная, Госпо́дь с Тобо́ю.

Величание Богородице:

Велича́ем Тя, / Пресвята́я Де́во / Богоизбра́нная Отрокови́це / и чтим о́браз Твой святы́й, / и́мже то́чиши исцеле́ния / всем с ве́рою притека́ющим.

Или коему либо святому.

Диакон: Прему́дрость.

Священник: Пресвята́я Богоро́дице, спаси́ нас.

Лик: Честне́йшую Херуви́м / и сла́внейшую без сравне́ния Серафи́м, / без истле́ния Бо́га Сло́ва ро́ждшую, / су́щую Богоро́дицу, Тя велича́ем.

Священник: Сла́ва Тебе́, Христе́ Бо́же, упова́ние на́ше, сла́ва Тебе́.

Лик: Сла́ва, и ны́не: Го́споди, поми́луй, трижды. Благослови́.

Священник творит отпуст:

В неделю: Воскресы́й из ме́ртвых, Христо́с, и́стинный Бог наш, моли́твами Пречи́стыя Своея́ Ма́тере, святы́х сла́вных и всехва́льных Апо́стол, (и святаго, егоже есть храм, и святаго, егоже есть день), святы́х и пра́ведных богооте́ц Иоаки́ма и А́нны, и всех святы́х, поми́лует и спасе́т нас, я́ко Благ и Человеколю́бец.

Лик: Ами́нь.

Тропари на целование иконы.

Глас 2: Всем предста́тельствуеши, Блага́я, / прибега́ющим с ве́рою в держа́вный Твой покро́в, / ино́го бо не и́мамы, гре́шнии, к Бо́гу / в беда́х и ско́рбех при́сно избавле́ния, / обремене́ни грехи́ мно́гими, / Ма́ти Бо́га Вы́шняго, / тем же Ти припа́даем: / изба́ви от вся́каго обстоя́ния рабы́ Твоя́.

Глас 2: Всех скорбя́щих Ра́досте, / и оби́димых Засту́пнице, / и а́лчущих Пита́тельнице, / странных утеше́ние, / обурева́емых приста́нище, / больны́х посеще́ние, / немощны́х покро́ве и Засту́пнице, / же́зле ста́рости, / Ма́ти Бо́га Вы́шняго Ты еси́, Пречи́стая: / потщи́ся, мо́лимся, спасти́ся рабо́м Твои́м.

Глас 8: Влады́чице, приими́ моли́твы рабо́в твои́х, / и изба́ви нас / от вся́кия ну́жды и печа́ли.

Глас 2: Все упова́ние мое́ / на Тя возлага́ю, Ма́ти Бо́жия, / сохрани́ мя под покро́вом Твои́м.

Священник: Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас, ами́нь.

Православные иконы и молитвы

Добавить комментарий

Ваш адрес email не будет опубликован. Обязательные поля помечены *