«Спаси, Господи!». Спасибо, что посетили наш сайт, перед тем как начать изучать информацию, просим подписаться на наше православное сообщество в Инстаграм Господи, Спаси и Сохрани † — https://www.instagram.com/spasi.gospodi/ . В сообществе больше 60 000 подписчиков.
Нас, единомышленников, много и мы быстро растем, выкладываем молитвы, высказывания святых, молитвенные просьбы, своевременно выкладывам полезную информацию о праздниках и православных событиях… Подписывайтесь. Ангела Хранителя Вам!
Как известно, Феодоровская икона Божией Матери была написана св. евангелистом Лукой. Остается загадкой тот факт, что никто не знает, кто и в какое время завезли ее в Россию. Она является важнейшей святыней в России.
Чудотворная Феодоровская икона
Называется она по той причине, что носит название в честь святого Феодора Стратилата, который нашел ее на сосне в городе под названием Городец. Через определенный период там, где обрели ее, основан Городецкий Феодоровский монастырь.
За все время пребывания чудотворного образа в городе произошло множество чудесных событий. Одно из таких событий – лик остался невредимым после того, как дважды горел Костромовский собор. Он потемнела до отречения царя Николая второго.
Не все знают, что у образа две стороны. На второй стороне вы можете увидеть образ мученицы Параскевы. Есть предположение, что ее лик на задней стороне иконы связан с супругой св.Александра Невского.
Значение Феодоровской иконы
Многие цари, начиная с Николая первого и члены их семей, ходили к чудотворному образу и молились. Она была родовой иконой семьи Романовых. Князь Александр Невский брал ее на все свои походы. В 1262 году умер князь и было принято решение о необходимости вернуть святой в Кострому. Известно, что существует список с подлинной чудотворной иконы, его привезла инокиня Марфа.
Феодоровская икона Божией матери не знала времени без молитв. География паломничества лика велика – Соловки, Санкт-Петербург, Москва, Екатеринбург. Хранилась она в Успенском соборе до 1929 года. Также хранилась она в храме святого Иоанна Златоуста, а после в соборе Воскресения Христова. В 1991 году святыню перенесли в Богоявленский – Анастасиин собор.
Подлинность образа подтвердила экспедиция Наркомпроса в 1919 году. До 1922 года ее украшала десяти килограммовая золотая риза. Новая драгоценная риза из серебряно – позолоченного оклада была изготовлена по желанию Алексея первого в 1955 году.
В чем помогает Феодоровская икона Божией Матери
Многие рассказывают о чудотворном ее влиянии. У Пресвятой Богородицы с молитвами просят о:
- рождении ребенка;
- легких родах;
- счастье в браке;
- способствовании укреплению здоровья;
- помощи избавиться от болезней.
Чудесное дарование детей образа Федоровской Божией Матери:
- Известен случай, когда супружеская пара из Нижегородской области не могла иметь детей семь лет. Год они молились перед образом каждый день, ни дня не пропустили. Свершилось чудо. Родился мальчик.
- Второй случай был с женщиной, которая имела серьезное гинекологическое заболевание. Врачи твердо стояли на том, что рожать женщине нельзя и опасно. После прочтения молитв через некоторое время она благополучно родила мальчика.
- Третий случай был с женщиной, у которой отнялась нога. Придя с трудом к чудотворному образу, она стала молиться, чтобы она помогла избавиться от недуга. Домой женщина дошла самостоятельно, а через сутки совсем нога ее не беспокоила.
О чем молятся Феодоровской иконе Божией Матери
Каждый читает молитву о том, что его тревожит или беспокоит. Образ помогает не только при тяжелых родах, но и хорошему воспитанию ребенка, что немаловажно для будущих родителей.
Как известно, все чудотворные просьбы задокументированные в летописях храмов. К молитве не стоит относиться, как к заклинанию. Помните, что молитва — это ваше обращение к Богу, Богородице или Святому. Молиться нужно от чистого сердца и искренне.
Не стоит молиться в ультимативной форме. Если у вас недостаточно духовного опыта, есть написанные молитвы, которые помогут вам подобрать необходимые слова. Также вы можете молиться своими словами, ведь Богу угодно и такое обращение.
Не забывайте просить сил и помощи, чтобы перенести жизненные испытания, разума, мудрости и светлого ума.
Вот так произносят саму молитву образу Богородицы:
«К кому воззову, Владычице, к кому прибегну в печали моей; к кому принесу слезы и воздыхания моя, аще не к Тебе, Царице Небеси и земли: кто исторгнет мя от тины грехов и беззаконий, аще не Ты, о Мати Живота, Заступнице и Прибежище рода человеческаго. Услыши стенание мое, утеши мя и помилуй в горести моей, защити в бедах и напастях, избави от озлоблений и скорбей, и всяких недугов, и болезней, от враг видимых и невидимых, умири вражду стужающих мне, да избавлен буду от клеветы и злобы человеческия; такожде от своея ми плоти гнусных обычаев свободи мя. Укрый мя под сению милости Твоея, да обрящу покой и радость и от грехов очищение. Твоему Матернему заступлению себе вручаю; буди мне Мати и надеждо, покров, и помощь, и заступление, радость и утешение, и скорая во всем Помощнице. О, чудная Владычице! Всяк притекает к Тебе, без Твоея всесильныя помощи не отходит; сего ради и аз недостойный к Тебе прибегаю, да избавлен буду от внезапныя и лютыя смерти, скрежета зубнаго и вечнаго мучения. Небесное же Царствие получити сподоблюся и Тебе во умилении сердца реку: Радуйся, Мати Божия, Предстательница и Заступница наша усердная, во веки веков. Аминь».
Где находится Феодоровская икона Божией Матери
Этот чудотворный образ один из самых старых русских икон, который сохранился до наших дней. Семнадцатого августа 1991 года местонахождение иконы было изменено. Из Воскресного храма она была перенесена в Богоявленский собор Костромы.
И в наше время вы можете там ее увидеть. Чудотворный образ был на выставке Москве в Донском ставропигиальном мужском монастыре в 2013 г., после чего его доставили в Калининградскую епархию.
Дни празднования двадцать седьмого марта и двадцать девятого августа. Храм Феодоровской иконы Божьей Матери вы можете увидеть по адресу: г.Киев, улица Мануильского, 32. Адрес в России: улица Мосина, 27, Астрахань.
В чем помогает Федоровская икона Божьей Матери
Традиционно считается, что эта икона покровительствует девушкам, которые хотят выйти замуж, и будущим матерям, а также миру в семье и преодолению разногласий между близкими. Особенно много сведений о чудесных исцелениях женщин, которые долго не могли забеременеть, — после каждодневных чистосердечных молитв перед Феодоровской иконой им было даровано счастье материнства.
Молитвы перед иконой
Тропарь, глас 4
Пpише́ствием честны́я Твоея́ ико́ны, Богоотpокови́це,/ обpа́дованный днесь Богохpани́мый гpад Костpома́,/ я́коже дpе́вний Изpа́иль к киво́ту Заве́та,/ пpитека́ет ко изобpаже́нию лица́ Твоего́/ и воплоти́вшагося от Тебе́ Бога на́шего,/ да Твои́м Ма́теpним к Нему́ пpедста́тельством/ пpи́сно хода́тайствуеши всем,/ под сень кpо́ва Твоего́ пpибега́ющим,// миp и ве́лию ми́лость.
Перевод: Пришествием чтимой Твоей иконы, Богоотроковица, обрадованный сегодня Богохранимый город Кострома, как древний Израиль к киоту Завета, приходит к изображению лица Твоего и воплотившегося от Тебя Бога нашего, да Твоим Материнским к Нему обращением всегда просишь для всех, под защиту покровительства Твоего прибегающих, мир и великую милость.
Ин тропарь, глас 4
Днесь све́тло красу́ется преимени́тый град Кострома́/ и вся Ру́сская страна́,/ созыва́ющи к весе́лию вся боголюби́выя наро́ды христиа́нския,/ на пресла́вное торжество́ Бо́жия Ма́тере,/ прише́ствия ра́ди чудотво́рнаго Ея́ и многоцеле́бнаго о́браза,/ днесь бо яви́ся нам пресве́тлое вели́кое со́лнце,/ прии́дите, вси Богоизбра́ннии лю́дие, но́вый Изра́иль,/ ко исто́чнику цельбоно́сному,/ источа́ет бо нам неоску́дныя ми́лости Пресвята́я Богоро́дица/ и избавля́ет вся гра́ды и страны́ христиа́нския/ невреди́мы от всех наве́т вра́жиих./ Но, о Всеми́лостивая Госпоже́, Де́во Богоро́дице, Влады́чице,/ спаси́ страну́ на́шу, и архиере́и, и вся лю́ди Твоего́ достоя́ния от всех бед/ по вели́цей Твое́й ми́лости, да зове́м Ти:// ра́дуйся, Де́во, христиа́ном похвало́.
Перевод: Сегодня радостно ликует знаменитый город Кострома и вся Российская страна, созывая к веселью все боголюбивые народы христианские на преславное торжество Божией Матери ради пришествия Ее чудотворного и многоцелебного образа: ибо в сей день явилось нам пресветлое великое солнце; придите, все богоизбранные люди, новый Израиль, ко источнику цельбоносному, ибо источает нам неоскудевающие милости Пресвятая Богородица и избавляет все города и страны христианские невредимыми от всех наветов вражьих. Но, о Всемилостивая Госпожа, Дева Богородица, Владычица, спаси страну нашу, и архиереев, и всех людей Твоего удела от всех бед по великой Твоей милости, да взываем Тебе: «Радуйся, Дева, христиан похвала!»
Кондак, глас 8
Благода́рственная принося́ще Ти, раби́ Твои́, Богороди́тельнице, о всех,/ и́миже благоде́яла еси́ гра́ду на́шему,/ из глубины́ души́ взыва́ем к Тебе́ и ми́ли ся де́ем:/ не преста́ни, Влады́чице,/ Ма́терними к Сы́ну Твоему́ и Бо́гу на́шему моли́твами/ подава́ти вся блага́я и спаси́тельная всем,/ ве́рою и любо́вию вопию́щим Ти:// ра́дуйся, Де́во, христиа́н похвало́.
Перевод: Благодарственные молитвы принося Тебе, рабы Твои, Богородица, за все благие дела, которые Ты сделала городу нашему, из глубины души взываем к Тебе и коленопреклоненно просим: не переставай, Владычица, Материнскими к Сыну Твоему и Богу нашему молитвами подавать всё на благо и во спасение всем, с верой и любовью взывающим к Тебе: «Радуйся, Дева, честь христиан».
Ин кондак, глас 8
Притеце́м, лю́дие, вси к ти́хому и до́брому приста́нищу,/ в дом Бо́жия Ма́тере,/ чу́дному о́бразу Цари́цы и Богоро́дицы,/ за неизрече́нную ми́лость Ея́ явле́нному,/ ве́рно припа́дающе и вопию́ще:/ о Всеми́лостивая Влады́чице,/ за спаси́тельное Твое́ смотре́ние,/ чу́днаго о́браза к нам прише́ствие,/ посети́ нас, гре́шных, све́тло сотворя́ющих пра́зднество Твое́,/ укрепи́ страну́ на́шу,/ ди́вно на враги́ побе́ду подаю́щи, и ве́ру утверди́./ Це́рковь Сы́на Твоего́ непоколеби́му соблюди́,/ притека́ющих к Тебе́ спаси́, от вся́ких напа́стей изба́ви,/ сохраня́ющи в ми́ре все Правосла́вие, да зове́м Ти:// ра́дуйся, Неве́сто Неневе́стная.
Перевод: Прибегнем, все люди, к тихому и доброму пристанищу, в дом Божией Матери, к чудному образу Царицы и Богородицы, по неизреченной милости Ее явленному, с верою припадая и взывая: «О Всемилостивая Владычица, ради спасительного Твоего промысла, чудного образа к нам пришествия, посети нас, грешных, светло совершающих празднество Твое, укрепи страну нашу, дивно над врагами победу подавая, и веру утверди. Церковь Сына Твоего непоколебимой соблюди, прибегающих к Тебе спаси, от всяких напастей избавь, сохраняя в мире все Православие, дабы нам взывать Тебе: Радуйся, Невеста, брака не познавшая!»
Молитва первая
О, Пресвята́я Влады́чице Богоро́дице и Присноде́во, Мари́е, еди́ная наде́ждо нам гре́шным! К Тебе́ прибега́ем и Тебе́ мо́лим, я́ко ве́лие и́маши дерзнове́ние пред ро́ждшимся от Тебе́ по пло́ти Го́сподем Бо́гом и Спаси́телем на́шим Иису́сом Христо́м. Не пре́зри слез на́ших, не возгнуша́йся воздыха́ний на́ших, не отри́ни ско́рби на́шея, не посрами́ упова́ния на́шего на Тя, но Ма́терними моле́нии Твои́ми умоли́ Го́спода Бо́га, да сподо́бит нас гре́шных и недосто́йных свободи́тися от грехо́в и страсте́й душе́вных и теле́сных, умре́ти ми́ру и жи́ти Ему́ еди́ному по вся дни живота́ на́шего. О, Пресвята́я Влады́чице Богоро́дице, путеше́ствующим спутеше́ствуй и огражда́й и охраня́й о́ныя, изба́ви плене́нных от плене́ния, свободи́ стра́ждущих от бед, уте́ши су́щих в печа́ли, ско́рбех и напа́стех, облегчи́ нищету́ и вся́ко злострада́ние теле́сное, и да́руй всем вся потре́бная к животу́, благоче́стию и жи́зни вре́менней. Спаси́, Влады́чице, вся стра́ны и гра́ды и сию́ страну́ и сей град, и́мже сия́ чудотво́рная и свята́я ико́на Твоя́ даде́ся во утеше́ние и огражде́ние, изба́ви я́ от гла́да, губи́тельства, тру́са, пото́па, огня́, меча́, наше́ствия иноплеме́нных, междоусо́бныя бра́ни, и отврати́ вся́кий гнев на ны пра́ведно дви́жимый. Да́руй нам вре́мя на покая́ние и обраще́ние, изба́ви нас от внеза́пныя сме́рти, и во вре́мя исхо́да на́шего предста́ни нам я́вльшися, Де́во Богоро́дице, и изба́ви нас от возду́шных мыта́рств, князе́й ве́ка сего́, сподо́би на Стра́шнем Суди́щи Христо́вем ста́ти одесну́ю, и соде́лай нас насле́дники ве́чных благ, да сла́вим вове́ки великоле́пое и́мя Сы́на Твоего́ и Бо́га на́шего со Безнача́льным Его́ Отце́м и Святы́м и Бла́гим и Животворя́щим Его́ Ду́хом, ны́не и при́сно и во ве́ки веко́в. Ами́нь.
Молитва вторая
О, Премилосе́рдая Госпоже́, Цари́це Богоро́дице, приими́ смире́нное моле́ние на́ше, и не отри́ни нас, заступле́ние и прибе́жище на́ше, и не возгнуша́йся нас, недо́стойных, но я́ко Милосе́рдая, не преста́ни моля́щи, Его́же родила́ еси́, да да́рует нам проще́ние мно́гих согреше́ний на́ших, да спасе́т нас и́миже весть судьба́ми. Поми́луй нас, Влады́чице, поми́луй нас, несть бо нам спасе́ния от дел. Те́мже ве́рно вопие́м Ти: поми́луй рабы́ Твоя́, и непло́дное се́рдце на́ше покажи́ плодоно́сно благи́х дел. При́зри на нас недосто́йных, Ты бо упова́ние и покро́в наш, жизнь и свет се́рдцу на́шему. Я́ко Невече́рний Свет от чре́ва Твоего́ воздви́гшая, озари́ ду́шу на́шу, Чи́стая, и отжени́ вся́ку мглу се́рдца на́шего. Да́руй нам умиле́ние, покая́ние и сокруше́ние серде́чное. Сподо́би нас по вся дни живота́ на́шего твори́ти во́лю Сы́на Твоего́ и Бо́га на́шего и во всем благоугожда́ти Ему́ Еди́ному. О, Богома́ти, не преста́ни моля́щи Ро́ждшагося от Тебе́ за вся притека́ющия с ве́рою к сему́ чудотво́рному о́бразу Твоему́ и подава́й им ско́рую по́мощь и утеше́ние в ско́рбех, и напа́стех, и злострада́ниих, изба́ви их от клеветы́ и зло́бы челове́ческия, от враг ви́димых и неви́димых, и вся́кия ну́жды и печа́ли. Спаси́ оте́чество на́ше, град сей и вся гра́ды и страны́ от вся́ких бед и нужд, и сотвори́ ми́лостива нам бы́ти Бо́га на́шего, отврати́ вся́кий гнев Его́ на ны дви́жимый и изба́ви ны от належа́щаго и пра́веднаго Его́ преще́ния. О, Боголюби́вая Влады́чице, А́нгелов украше́ние, му́чеников сла́во и всех святы́х ра́досте, с ни́ми моли́ Го́спода, да сподо́бит нас в покая́нии сконча́ти живота́ на́шего тече́ние. В сме́рти же час, Пресвята́я Де́во, изба́ви нас от вла́сти бесо́вския и осужде́ния, и отве́та, и стра́шнаго испыта́ния, и мыта́рств го́рьких, и огня́ ве́чнаго, да, сподо́бльшеся сла́внаго Ца́рствия Бо́жия, велича́ем Тя и сла́вим вопло́щшагося от Тебе́ Христа́ Бо́га на́шего, Ему́же сла́ва со Отце́м и Святы́м Ду́хом, ны́не и при́сно и во ве́ки веко́в. Ами́нь.
Молитва Феодоровской иконы Божией Матери о рождении ребенка
Супружеские пары хотят завести ребенка, ведь их чадо станет символом их любви. Но не у всех получается родить малыша. Святой лик действительно творит чудеса и нужно молиться Пречистой о зачатии дитя. Для начала вам необходимо очистить ваш разум и душу, укрепить вашу веру, избавиться от пагубных привычек. Молиться необходимо каждый день.
Молитва Богородице о даровании детей
«О, Всемилосердная, Благая и Истинная Защитнице наша, Госпоже Богородице, счастье Материнства познавшая, в коем волнения, надежды, тревоги и скорби всех матерей земных приявшая, не остави молитвами Твоими припадающих к святей и чудотворней иконе Твоей раб сих (имена) и испроси у Сына Твоего и всех Бога безплодства разрешение, в родах поможение и благочадие, младенцем же их надежный покров и защишение.
Призри, Пречистая Мати, на рабов Твоих сих, союзом супружеским соединенных и умоляющих о Твоей помощи, да будет на них милость Твоя, да будут плодовиты и да увидят они сыны сынов своих до третьего и четвертого рода и до желаемой старости доживут и войдут в Царство Небесное Сына Твоего и Господа нашего Иисуса Христа, Которому всякая слава, честь и поклонение подобает со Отцом и Святым Духом во веки. Аминь».
Перед данной образом также просят девушки удачного замужества, легкого прохождения беременности, здоровья ребенку. Просите у лика Богородицы желаемое и Она вам обязательно поможет.
Храни Вас Господь!
Аудио:
Кондак 1
Взбра́нней Воево́де, Пренепоро́чней Де́ве Богоро́дице, Засту́пнице на́шей и Предста́тельству христиа́н непосты́дному, явле́нием чу́дныя ико́ны Своея́ ра́дование пода́вшей земле́ Росси́йстей и вся ве́рная ча́да Це́ркве просвети́вшей, благодаре́ние усе́рдно прино́сим Ти, Богоро́дице, и припа́дающе пречу́дному о́бразу Твоему́, уми́льно глаго́лем: спаси́, Госпоже́, и поми́луй рабы́ Твоя́, зову́щия:
Ра́дуйся, Ма́терь Бо́жия, Предста́тельнице и Засту́пнице на́ша усе́рдная.
Икос 1
Арха́нгел Гаврии́л от Бо́га по́слан бысть во град Назаре́т ко Пречи́стей Де́ве Мари́и, и вшед к Ней рече́: Ра́дуйся, Благода́тная, Госпо́дь с Тобо́ю, благослове́нна Ты в жена́х. Арха́нгельскому гла́су подража́юще, и мы, гре́шнии, ра́дости и благодаре́ния в се́рдце свое́м испо́лнени, пред явле́нным о́бразом Твои́м благохвале́ния на́ша возноси́ти к Тебе́ дерза́ем, Пресвята́я Богоро́дице:
Ра́дуйся, о́трасле от ко́рене Дави́дова благослове́нная; ра́дуйся, обе́том роди́телей в же́ртву Бо́гу принесе́нная.
Ра́дуйся, святы́х пра́ведных Иоаки́ма и А́нны Дщи Богода́нная; ра́дуйся, трие́х лет во храм Бо́жий введе́нная и та́мо воспита́нная.
Ра́дуйся, та́мо смире́нием и чистото́ю всех удиви́вшая; ра́дуйся, та́мо арха́нгельския бесе́ды сподо́бльшаяся.
Ра́дуйся, Де́во, о зача́тии Бо́га Сло́ва благове́стие во смире́нии прии́мшая; ра́дуйся, избра́нная Отрокови́це, к зача́тию Бо́га Сло́ва си́лою свы́ше осене́нная.
Ра́дуйся, та́йну воплоще́ния Сы́на Бо́жия, от веко́в в Бо́зе сокрове́нную, откры́вшая; ра́дуйся, А́гнице, ро́ждшая А́гнца Христа́, взе́мшаго грехи́ ми́ра.
Ра́дуйся, Тобо́ю бо избавля́емся мук а́довых; ра́дуйся, Тобо́ю бо сподобля́емся ве́чныя жи́зни.
Ра́дуйся, Ма́ти Бо́жия, Предста́тельнице и Засту́пнице на́ша усе́рдная.
Кондак 2
Ви́дя ико́ну Твою́, Пресвята́я Де́во, на дре́ве стоя́щу, князь благочести́вый Костромски́й у́жасом мно́гим содрога́шеся недоуме́я, что бысть ви́дение сие́. Хотя́щу же ему́ прия́ти ю́ и от сего́ свы́ше уде́ржану ему́ бы́вшу, не можа́ше; уве́дев, я́ко чу́дно есть ико́ны тоя́ явле́ние, воззва́ к Бо́гу: Аллилу́иа.
Икос 2
Ра́зумом жела́я разуме́ти князь благочести́вый прише́ствие пречу́днаго Твоего́ о́браза во град Кострому́, Богоро́дице, душе́ю ра́дования преиспо́лненною себе́ предаде́ води́тельству Бо́жию, и прекло́нь коле́на, со стра́хом вопия́ше Тебе́:
Ра́дуйся, Де́во, я́вльшая о́браз Свой чу́дно; ра́дуйся, Благослове́нная, в явле́нии о́браза Своего́ милосе́рдие нам явля́ющая.
Ра́дуйся, о всех чту́щих Сы́на Твоего́ промышля́ющая; ра́дуйся, всем прося́щим у Тебе́ да́ры, в ме́ру ве́ры, ко спасе́нию подаю́щая.
Ра́дуйся, путь и́стины заблу́дшим показу́ющая; ра́дуйся, к го́рнему ми́ру чудесы́ Твои́ми ум наш возводя́щая.
Ра́дуйся, смуще́ния помышле́ний сумни́тельных удаля́ющая; ра́дуйся, сла́вящих Тя всегда́ прославля́ющая.
Ра́дуйся, чистото́ю Твое́ю чистоте́ нас науча́ющая; ра́дуйся, чистото́ю Твое́ю нечистоту́ на́шу облича́ющая.
Ра́дуйся, моле́ния на́ша прие́млющая; ра́дуйся, рыда́ний и слез не отмета́ющая.
Ра́дуйся, Ма́ти Бо́жия, Предста́тельнице и Засту́пнице на́ша усе́рдная.
Кондак 3
Си́лу Бо́жию благочести́вый князь позна́в в восхожде́нии о́браза чу́днаго Твоего́, Богома́ти, в явле́нии же ви́дев милосе́рдие Твое́ ко всем спасе́ние хотя́щим получи́ти, рече́: Аллилу́иа.
Икос 3
Име́в по́мысл стяжа́ти да́руемое Небе́сное сокро́вище, лик Твой све́тлый, Богома́ти, второ́е простре́ держа́вный руку́ к о́бразу нисше́дшему; узре́в же па́ки его́ восхожде́ние, ско́ро по́йде во град и пове́да о бы́вших ему́ освяще́нному собо́ру, да прише́дше и ви́дяще ико́ны Твоея́ явле́ние возопию́т с ним ве́рнии:
Ра́дуйся, Цари́це Небесе́ и земли́; ра́дуйся, Престо́ле Царя́ ца́рствующих.
Ра́дуйся, Пренепоро́чная Де́во; ра́дуйся, Ма́ти Непристу́пнаго Све́та.
Ра́дуйся, честне́йшая Херуви́м; ра́дуйся, сла́внейшая без сравне́ния Серафи́м.
Ра́дуйся, Небе́сными Си́лами велича́емая; ра́дуйся, от всех земноро́дных ублажа́емая.
Ра́дуйся, неизрече́нное Весе́лие А́нгелов; ра́дуйся, Ве́нче ца́рственный всех проро́ков и апо́столов.
Ра́дуйся, правосла́вия Христо́вы Це́ркве огражде́ние; ра́дуйся, всех суему́дрых уче́ний и ересе́й низложе́ние.
Ра́дуйся, Ма́ти Бо́жия, Предста́тельнице и Засту́пнице на́ша усе́рдная.
Кондак 4
Бу́рю внутрь име́я помышле́ний недоуме́нных, освяще́нный собо́р со псалмы́ и пе́сньми духо́вными а́бие притече́ ви́дети о́браз Твой, Неискусобра́чная. Узре́в же его́ на дре́ве ди́вно стоя́ща и благоле́пно красото́ю сия́юща, рече́: Аллилу́иа.
Икос 4
Слы́шаша лю́дие честны́я ико́ны Твоея́, Богоотрокови́це, прише́ствие и, ко о́ной те́кше, поклоня́хуся, а́ки Саме́й Тебе́ су́щей, и со умиле́нием и слеза́ми вопия́ху к Тебе́:
Ра́дуйся, Де́во, Благослове́нная в жена́х, во чре́ве Твое́м Носи́теля вся́ческих носи́вшая; ра́дуйся, рожде́нием Сы́на Твоего́ спасе́ние ми́ру всему́ я́вльшая.
Ра́дуйся, челове́ки с Бо́гом соедини́вшая; ра́дуйся, превы́шшая небе́с, изба́вльшая нас от кля́твы.
Ра́дуйся, нас к ве́чной жи́зни руководя́щая; ра́дуйся, Влады́чице ми́ра.
Ра́дуйся, Бо́жие к сме́ртным благоволе́ние; ра́дуйся, сме́ртных к Бо́гу дерзнове́ние.
Ра́дуйся, благи́х во бла́гости соблюда́ющая; ра́дуйся, лука́вых на путь благи́й обраща́ющая.
Ра́дуйся, под сень кро́ва Твоего́ прибега́ющих ми́лующая; ра́дуйся, упова́ющих на Тя вся потре́бная к животу́ и благоче́стию да́рующая.
Ра́дуйся, Ма́ти Бо́жия, Предста́тельнице и Засту́пнице на́ша усе́рдная.
Кондак 5
Я́ко боготе́чную звезду́ узре́ша лю́дие ико́ну Твою́, Безневе́стная Де́во, и, я́ко многосве́тлый свети́льник, поста́виша ю́ во святе́м собо́рнем хра́ме, ра́дующеся и вопию́ще Бо́гу: Аллилу́иа.
Икос 5
Ви́девше жи́телие гра́да Городца́ о́браз Твой, Влады́чице, во хра́ме гра́да Костромы́ стоя́щий, и на руку́ Твое́ю держи́ма Богомладе́нца Иису́са, ско́рбию одержи́ма бе́ша, зане́ отше́ствие его́ бысть из гра́да их. Мы же, обра́довани благоволе́нием Твои́м ко гра́ду на́шему, прино́сим Ти да́ры, и, с любо́вию лобыза́юще Твой святы́й о́браз, вопие́м Ти:
Ра́дуйся, Звездо́, Со́лнце пра́вды нам я́вльшая; ра́дуйся, возлюби́вшая сию́ страну́.
Ра́дуйся, обре́тение Тебе́ и́щущих; ра́дуйся, ра́достию неизрече́нною ве́рных сердца́ исполня́ющая.
Ра́дуйся, сокро́вище благода́ти неистощи́мое; ра́дуйся, ми́лости приснотеку́щий исто́чниче.
Ра́дуйся, от тя́жких бед спаса́ющая; ра́дуйся, от смертно́сныя я́звы избавля́ющая.
Ра́дуйся, всего́ ми́ра Хода́таице; ра́дуйся, всех неду́гов Цели́тельнице.
Ра́дуйся, Красото́ несравне́нная; ра́дуйся, Добро́то несказа́нная.
Ра́дуйся, Ма́ти Бо́жия, Предста́тельнице и Засту́пнице на́ша усе́рдная.
Кондак 6
Пропове́дницы богоно́снии бы́ша ви́девшии о́браз Твой, Богоро́дице. Возвра́щся бо ки́йждо во страну́ свою́, возвеща́ше о прише́ствии его́ и чудесе́х от него́ быва́емых, воспева́я Бо́гу: Аллилу́иа.
Икос 6
Возсия́вши благода́ть от чу́днаго о́браза Твоего́, Чи́стая, ве́ру немощству́ющих утверди́, ве́рных же возвесели́ сердца́ любо́вию. Сего́ ра́ди ра́дующеся вопие́м Ти:
Ра́дуйся, Пресвята́я Де́во, све́том Небе́сныя и́стины нас озаря́ющая; ра́дуйся, мглу грехо́вную от нас отгоня́ющая.
Ра́дуйся, чудесы́ Твои́ми к богове́дению нас приводя́щая; ра́дуйся, всех ка́ющихся гре́шников ко благоче́стию подвиза́ющая.
Ра́дуйся, всех притека́ющих к Тебе́ кре́пкое заступле́ние; ра́дуйся, немощству́ющих умо́м утвержде́ние.
Ра́дуйся, изнемога́ющих в ве́ре возставля́ющая; ра́дуйся, ти́хое приста́нище в мо́ре жите́йстем обурева́емым.
Ра́дуйся, злы́я сове́ты сыно́в поги́бельных открыва́ющая; ра́дуйся, вознесе́нную горды́ню враго́в оте́чества на́шего смиря́ющая.
Ра́дуйся, правосла́вных царе́й Держа́во; ра́дуйся, всех христиа́н Похвало́.
Ра́дуйся, Ма́ти Бо́жия, Предста́тельнице и Засту́пнице на́ша усе́рдная.
Кондак 7
Хотя́ просла́вити Сын Твой, Богоро́дице, святу́ю ико́ну Твою́ во гра́де Костроме́, повеле́ ю́ в день Успе́ния Твоего́ свято́му великому́ченику Фео́дору Стратила́ту носи́ти по гра́ду сему́, да вси, ви́дяще чу́до сие́, благода́рным се́рдцем возопию́т Ему́: Аллилу́иа.
Икос 7
Чу́до но́вое яви́ нам Госпо́дь мольба́ми Твои́ми, Богоро́дице, егда́ сгоре́вшу хра́му, в не́мже бе поставлен святы́й о́браз Твой, сохрани́ его́ в пе́пле невреди́ма от огня́, и та́ко мне́вших сгоре́вша его́ печа́ль в ра́дость преложи́. Мы же, чу́до сие́ ве́дяще, воспева́ем Ти такова́я:
Ра́дуйся, Купино́ Неопали́мая; ра́дуйся, о́гненный сто́лпе, су́щия во тьме наставля́яй.
Ра́дуйся, Киво́те, Ду́хом позлаще́нный, Невмести́маго Бо́га вмести́вший; ра́дуйся, кади́льнице злата́я, я́ко фимиа́м благоуха́нный, моли́твы Твоя́ за ны к Бо́гу Сы́ну при́сно вознося́щая.
Ра́дуйся, Же́зле Ааро́нов, к явле́нию в ми́ре Сы́на Твоего́ прозя́бший; ра́дуйся, Руно́ Гедео́ново, благода́тию Бо́жиею во спасе́ние на́ше ороше́нное.
Ра́дуйся, Горо́ несеко́мая, от Нея́же отсече́ся краеуго́льный ка́мень Христо́с; ра́дуйся, Хра́ме одушевле́нный, в Не́мже всели́ся Божество́ теле́сне.
Ра́дуйся, де́вства охране́ние; ра́дуйся, супру́жества благослове́ние.
Ра́дуйся, па́че всех Го́спода возлюби́вшая; ра́дуйся, па́че всех от Него́ превознесе́нная.
Ра́дуйся, Ма́ти Бо́жия, Предста́тельнице и Засту́пнице на́ша усе́рдная.
Кондак 8
Стра́нное чу́до ви́девше, на возду́се ико́ну Богома́тери стоя́щу, а́ки рука́ми а́нгельскими держи́му, егда́ второ́е сгоре́ храм, в не́мже стоя́ явле́нная сия́ ико́на, отве́ржемся, лю́дие, ми́ра сего́, ум на Небеса́ прело́жше; сего́ бо ра́ди и дадеся нам чу́дная ико́на Богоро́дицы, да, взира́юще на ню, Го́рняя му́дрствуем, а не земна́я, вопию́ще к Бо́гу: Аллилу́иа.
Икос 8
В вы́шних пребыва́ющи селе́ниих, и ни́жних не разлучи́лася еси́, Богоро́дице, чудесы́ Твои́ми всех просвеща́ющи приходя́щих к Тебе́ с ве́рою, сего́ ра́ди и слы́шиши от нас сия́:
Ра́дуйся, Ма́ти Христа́ Бо́га на́шего, на Небеси́ пребыва́ющая; ра́дуйся, на земли́ нас не оставля́ющая.
Ра́дуйся, ра́ди вели́чества Твоего́ на Небеси́ А́нгелы окруже́нная; ра́дуйся, ра́ди сла́вы Твоея́ на земли́ от челове́к прославля́емая.
Ра́дуйся, Тебе́ бо слу́жат вся Небе́сныя Си́лы; ра́дуйся, Тебе́ бо, по Бо́зе, хвале́ние возно́сят Херуви́ми и Серафи́ми.
Ра́дуйся, лице́ Бо́жие вы́ну на Небеси́ созерца́ющая; ра́дуйся, пред престо́лом Сы́на Твоего́ Ма́тернии ру́це Твои́, за ны моля́щися, простира́ющая.
Ра́дуйся, нас, су́щих на земли́, от вся́каго зла омофо́ром Твои́м покрыва́ющая; ра́дуйся, ве́рных от вся́ких душепа́губных дел удаля́ющая.
Ра́дуйся, рожде́нием Сы́на Бо́жия две́ри Ца́рства Христо́ва нам отве́рзшая; ра́дуйся, наде́ждою прия́тия Небе́сных благ ве́рных ду́ши услажда́ющая.
Ра́дуйся, Ма́ти Бо́жия, Предста́тельнице и Засту́пнице на́ша усе́рдная.
Кондак 9
Вся́кое естество́ а́нгельское превозно́сит Тя, Де́во, вели́кия ра́ди любве́ Твоея́ к ро́ду христиа́нскому; незри́ма бо и непристу́пна, я́ко Ма́ти Бо́га от земли́ к Небеси́ возше́дшая, пречи́стым Твои́м о́бразом зри́му и присту́пну Себе́ явля́еши всем воспева́ющим Сы́ну Твоему́: Аллилу́иа.
Икос 9
Вити́я многовеща́нныя, я́ко ры́бы безгла́сны, зрим о Тебе́, Богоро́дице, недоуме́ют бо глаго́лати о сла́вных чудесе́х, от явле́нныя Твоея́ ико́ны быва́емых. Мы же о́ным дивя́щеся благода́рно вопие́м Ти:
Ра́дуйся, слепы́х прозре́ние; ра́дуйся, хромы́х хожде́ние.
Ра́дуйся, от те́мных и лука́вых духо́в исцеля́ющая; ра́дуйся, луча́ми от Твоего́ пречи́стаго о́браза изше́дшими враго́в земли́ на́шея отгна́вшая.
Ра́дуйся, больны́м виде́ние Твое́ дарова́вшая; ра́дуйся, моля́щимся явле́нней ико́не Твое́й исцеле́ние подаю́щая.
Ра́дуйся, разсла́бленных от одра́ боле́зни воздвига́ющая; ра́дуйся, немы́м разреша́ющая уста́.
Ра́дуйся, от пле́на вра́жия возвраща́ющая; ра́дуйся, лю́тыя пло́ти стра́сти утоля́ющая.
Ра́дуйся, ду́ши ве́рных неизрече́нным милосе́рдием Твои́м умиля́ющая; ра́дуйся, неизглаго́ланным Твои́м человеколю́бием уныва́ющих ободря́ющая.
Ра́дуйся, Ма́ти Бо́жия, Предста́тельнице и Засту́пнице на́ша усе́рдная.
Кондак 10
Соблюсти́ хотя́щи в чистоте́ домострои́тельство Це́ркве Правосла́вныя, Чи́стая, и, утверди́ти ски́петр держа́вы Росси́йския, чу́дною ико́ною Твое́ю вложи́ла еси́ в се́рдце благове́рнаго госуда́ря Михаи́ла Фео́доровича прия́ти вене́ц ца́рский земли́ Росси́йския, да вси ви́дящии ви́дят, я́ко Вы́шний владе́ет ца́рством, и ему́же хо́щет дае́т е́, и возопию́т Ему́: Аллилу́иа.
Икос 10
Стена́ еси́ необори́мая, Богоро́дице Де́во, всем к Тебе́ прибега́ющим: никто́же бо притека́яй к Тебе́ тощ отхо́дит. Сего́ ра́ди ущедря́еми ми́лостию Твое́ю, во умиле́нии души́ возглаша́ем Тебе́:
Ра́дуйся, тве́рдая Стено́, от враг ви́димых и неви́димых охраня́ющая; ра́дуйся, кре́пкая Защи́то упова́ние на Тя возложи́вшим.
Ра́дуйся, позна́ния и́стины чи́стое Зерца́ло; ра́дуйся, сохране́ния ве́ры кре́пкое Забра́ло.
Ра́дуйся, гра́ды и страны́ христиа́нския предста́тельством Твои́м от враго́в спаса́ющая; ра́дуйся, царе́м благове́рным побора́ющая.
Ра́дуйся, мир во гра́дех селя́щая; ра́дуйся, благонра́вным благопоспеша́ющая.
Ра́дуйся, си́лою моли́тв Твои́х злы́я по́мыслы в ничто́же обраща́ющая; ра́дуйся, си́лы враго́в бли́жняго сокруша́ющая.
Ра́дуйся, ю́ности наставле́ние; ра́дуйся ста́рости поддержа́ние.
Ра́дуйся Ма́ти Бо́жия, Предста́тельнице и Засту́пнице на́ша усе́рдная.
Кондак 11
Пе́ние вся́кое побежда́ется спростре́тися тща́щееся мно́жеству мно́гих щедро́т Твои́х; равночи́сленныя бо песку́ морско́му пе́сни а́ще прино́сим Ти, Богоро́дице Де́во, ничто́же соверша́ем досто́йно, я́же дарова́ла еси́ нам, вопию́щим к Бо́гу: Аллилу́иа.
Икос 11
Светоприе́мную свещу́, дре́вле я́вльшуюся, зрим во святе́й ико́не Твое́й, Богоро́дице Де́во, егда́ град наш защити́ла еси́ от разоре́ния враго́в земли́ на́шея луча́ми, от святы́я Твоея́ ико́ны исходя́щими. Сего́ ра́ди с ве́рою припа́дающе к ней и с любо́вию лобыза́юще ю́, вопие́м Ти:
Ра́дуйся, Ма́ти Преве́чнаго Све́та Христа́, уче́нием Его́ ду́ши просвеща́ющая; ра́дуйся, благода́тию Бо́жиею неве́рующих к ве́ре в Бо́га приводя́щая.
Ра́дуйся, путеше́ствующим спутеше́ствующая; ра́дуйся, ну́ждно пла́вающих Ко́рмчая.
Ра́дуйся, от вся́кия ско́рби, гне́ва и ну́жды спаса́ющая; ра́дуйся, от гла́да, губи́тельства, тру́са и огня́ сохраня́ющая.
Ра́дуйся, избавля́ющая от иноплеме́нных; ра́дуйся, охраня́ющая от междоусо́бныя бра́ни.
Ра́дуйся, во святе́й ико́не Твое́й, я́ко со́лнце, в Костромски́х преде́лех возсия́вшая; ра́дуйся, зде о́трасль ца́рственную возвели́чившая.
Ра́дуйся, Тобо́ю бо утвержда́ются ца́рства; ра́дуйся, Тобо́ю бо венча́ются ца́рие.
Ра́дуйся, Ма́ти Бо́жия, Предста́тельнице и Засту́пнице на́ша усе́рдная.
Кондак 12
Благода́ть прия́вшая от Бо́га Сы́на Твоего́, Де́во Богоро́дице, и ту дре́вле излия́вшая на всех прибега́ющих к о́бразу Твоему́, не лиши́ ны́не и нас бога́тыя Твоея́ ми́лости, да́руй нам покая́ние о гресе́х, да чи́стым се́рдцем и устны́ взыва́ем к возлю́бленному Сы́ну Твоему́ и Бо́гу на́шему: Аллилу́иа.
Икос 12
Пою́ще Твоея́ ми́лости и чудеса́, хва́лим Тя вси, Богоро́дице, и, я́ко дре́влий Изра́иль к киво́ту Заве́та, притека́ем ко о́бразу лица́ Твоего́, и из глубины́ ду́ши вопие́м: воздви́гни ру́це Твоя́ к Сы́ну Твоему́, да пода́ст нам вся блага́я и спаси́тельная с ве́рою и любо́вию вопию́щим Ти:
Ра́дуйся, Утеше́ние на́ше в ско́рбех; ра́дуйся, Утоле́ние печа́лей на́ших.
Ра́дуйся, Ра́досте на́ша безконе́чная; ра́дуйся, Све́тлосте и Отра́до серде́чная.
Ра́дуйся, Наде́ждо на́ша кре́пкая; ра́дуйся, си́рым Прия́телище.
Ра́дуйся, стра́нным Прибе́жище; ра́дуйся, оби́димым Покрови́тельнице.
Ра́дуйся, оклевета́емых Оправда́ние; ра́дуйся, благи́х Защище́ние.
Ра́дуйся, те́ла моего́ Врачева́ние; ра́дуйся, ду́ши моея́ Спасе́ние.
Ра́дуйся, Ма́ти Бо́жия, Предста́тельнице и Засту́пнице на́ша усе́рдная.
Кондак 13
О, Премилосе́рдая Засту́пнице на́ша, вели́кия ра́ди ми́лости Твоея́ дарова́вшая оте́честву и гра́ду на́шему чудотво́рную ико́ну Твою́ во освяще́ние, утеше́ние и огражде́ние на́ше, ны́нешнее прие́мши славосло́вие, от вся́каго зла́го обстоя́ния изба́ви рабы́ Твоя́. Ски́петр благове́рнаго Импера́тора на́шего утверди́, да́руй ему́ здра́вие и спасе́ние, на враги́ побе́ду и одоле́ние и всех нас ве́чных мук свободи́, устна́ми, душе́ю же и се́рдцем вопию́щих: Аллилу́иа.
Этот кондак читается трижды, зате́м 1-й икос; «Арха́нгел Гаврии́л…» и 1-й кондак: «Взбра́нней Воево́де…»
Моли́тва 1-я
О, Премилосе́рдая Госпоже́, Цари́це, Богоро́дице, приими́ смире́нное моле́ние на́ше, и не отри́ни нас, Заступле́ние и Прибе́жище на́ше, и не возгнуша́йся нас, недосто́йных, но, я́ко Милосе́рдая, не преста́ни моля́щи, Его́же родила́ еси́, да да́рует нам проще́ние мно́гих согреше́ний на́ших, да спасе́т нас, и́миже весть судьба́ми. Поми́луй нас, Влады́чице, поми́луй нас, несть бо нам спасе́ние от дел. Те́мже ве́рно вопие́м Ти: поми́луй рабы́ Твоя́ и непло́дное се́рдце на́ше покажи́ плодоно́сно благи́х дел. При́зри на нас, недосто́йных, Ты бо упова́ние и покро́в наш, жизнь и свет се́рдцу на́шему. Я́ко Невече́рний Свет от чре́ва Твоего́ воздви́гшая, озари́ ду́шу на́шу, Чи́стая, и отжени́ вся́ку мглу сердца́ на́шего. Да́руй нам умиле́ние, покая́ние и сокруше́ние серде́чное. Сподо́би нас по вся дни живота́ на́шего твори́ти во́лю Сы́на Твоего́ и Бо́га на́шего и во всем благоугожда́ти Ему́ Еди́ному. О, Богома́ти, не преста́ни моля́щи Ро́ждшагося от Тебе́ за вся, притека́ющия с ве́рою к сему́ чудотво́рному о́бразу Твоему́, и подавай им ско́рую по́мощь и утеше́ние в ско́рбех и напа́стех и злострада́ниих, изба́ви их от клеветы́ и зло́бы челове́ческия, от враг ви́димых и неви́димых и вся́кия ну́жды и печа́ли. Спаси́ оте́чество на́ше, град сей и вся гра́ды и страны́ от вся́ких бед и нужд и сотвори́ ми́лостива нам бы́ти Бо́га на́шего, отврати́ вся́кий гнев Его́, на ны дви́жимый, и изба́ви ны от належа́щаго и пра́веднаго Его́ преще́ния. О, Боголюби́вая Влады́чице, А́нгелов украше́ние, му́чеников сла́во и всех святы́х ра́досте, с ни́ми моли́ Го́спода, да сподо́бит нас в покая́нии сконча́ти живота́ на́шего тече́ние. В сме́рти же час, Пресвята́я Де́во, изба́ви нас от вла́сти бесо́вския и осужде́ния, и отве́та, и стра́шнаго испыта́ния, и мыта́рств го́рьких, и огня́ ве́чнаго, да, сподо́бльшеся сла́внаго Ца́рствия Бо́жия, велича́ем Тя и сла́вим вопло́щшагося от Тебе́ Христа́, Бо́га на́шего, Ему́же сла́ва со Отце́м и Святы́м Ду́хом, ны́не, и при́сно, и во ве́ки веко́в. Ами́нь.
Моли́тва 2-я
О, Пресвята́я Влады́чице Богоро́дице и Присноде́во Мари́е, еди́ная Наде́ждо нам, гре́шным, к Тебе́ прибега́ем и Тебе́ мо́лим, я́ко ве́лие и́маши дерзнове́ние пред ро́ждшимся от Тебе́ по пло́ти Го́сподом Бо́гом и Спаси́телем на́шим Иису́сом Христо́м. Не пре́зри слез на́ших, не возгнуша́йся воздыха́ний на́ших, не отри́ни ско́рби на́шея, не посрами́ упова́ния на́шего на Тя, но Ма́терними моле́нии Твои́ми умоли́ Го́спода Бо́га, да сподо́бит нас гре́шных и недосто́йных свободи́тися от грехо́в и страсте́й душе́вных и теле́сных, умре́ти ми́ру и жи́ти Ему́ Еди́ному во вся дни живота́ на́шего.
О, Пресвята́я Влады́чице Богоро́дице, путеше́ствующим спутеше́ствуй и огражда́й и охраня́й о́ныя, изба́ви плене́нных от плене́ния, свободи́ стра́ждущих от бед, уте́ши су́щих в печа́ли, ско́рбех и напа́стех, облегчи́ нищету́ и вся́ко злострада́ние теле́сное и да́руй всем вся потре́бная к животу́, благоче́стию и жи́зни вре́менней. Спаси́, Влады́чице, вся страны́ и гра́ды и сию́ страну́ и сей град, и́мже сия́ чудотво́рная и свята́я ико́на Твоя́ дадеся во утеше́ние и огражде́ние, изба́ви я́ от гла́да, губи́тельства, тру́са, пото́па, огня́, меча́, наше́ствия иноплеме́нных, междоусо́бныя бра́ни и отврати́ вся́кий гнев на ны пра́ведно дви́жимый. Да́руй нам вре́мя на покая́ние и обраще́ние, изба́ви нас от внеза́пныя сме́рти и во вре́мя исхо́да на́шего предста́ни нам я́вльшися, Де́во Богоро́дице, и изба́ви нас от воздушных мыта́рств князей ве́ка сего́, сподо́би на Стра́шнем Суди́щи Христо́вем ста́ти одесну́ю и соде́лай нас снасле́дники ве́чных благ, да сла́вим во ве́ки великоле́пое и́мя Сы́на Твоего́ и Бо́га на́шего со Безнача́льным Его́ Отце́м и Святы́м и Благи́м и Животворя́щим Его́ Ду́хом, ны́не и при́сно и во ве́ки веко́в. Ами́нь.
