Тропарь, глас 5

Христос воскресе из мертвых, смертию смерть поправ, и сущим во гробех живот даровав.

Кондак, глас 8

Аще и во гроб снизшел еси, Безсмертне, но адову разрушил еси силу, и воскресл еси, яко Победитель, Христе Боже, женам мироносицам вещавый: «Радуйтеся!», и Твоим Апостолом мир даруяй, падшим подаяй воскресение.

Кондак 1

Возбранный Воеводо и Господи, вечныя смерти Победителю, яко избавлься от духовнаго умерщвления, похвальная восписую Ти, возсозданный Тобою раб Твой. Ты же, яко имеяй победу над смертию, от смерти греховныя свободи нас зовущих: Иисусе воскресший, воскреси души наша.

Икос 1

Ангели Воскресение Твое, Христе Спасе, непрестанно поют на небесех, и нас на земли сподоби чистым сердцем воспети Тебе сице:

Иисусе непостижимый, всех верных просвещаяй, просвети и мя заблуждшаго.

Иисусе воскресший, всех Собою оживляяй, оживи мя умершаго грехми.

Иисусе, на небо вознесыйся и возносяй на Тя надеющихся, совознеси и мя долу преклоннаго.

Иисусе, седяй одесную Отца и разделяяй славу с любящими Тя, не лиши мя славы Твоея.

Иисусе, хотяй приити судити живым и мертвым, не осуди мя по делом моим, но сотвори со мною по милости Твоей.

Иисусе воскресший, воскреси души наша.

Кондак 2

Видя падших человеков, Господи, Ты вочеловечився совоскресил еси всех и, воскресив, даровал вся потребная ко спасению: сице и мене умерщвленнаго грехми оживи, зовуща: Аллилуиа.

Икос 2

Разум не постигает тайны Божественныя, како Источник жизни воскресает, умерщвляя смерть. Сего ради, точию сердцем испытующе радость Воскресения и тою просвещаеми, со гласом веселия духовнаго взываем Ти сице:

Иисусе, входяй дверем заключенным, вниди в дом души моея.

Иисусе, сретивый ученики на пути, срящи и мя на пути сей жизни.

Иисусе, воспламенивый сердца их Твоими словесы, воспламени и мое хладное серце.

Иисусе, давый Себе познати в преломлении хлеба, даждь ми познати Тя в Божественней Евхаристии.

Иисусе, обещавый Духа Святаго учеником Твоим, низпосли и мне Сего Духа Утешителя от Отца.

Иисусе воскресший, воскреси души наша.

Кондак 3

Силою Божественною воскресивый Лазаря, воскреси и мене истлевшаго страстьми и многолетно лежащаго во гробе нераскаяния, да, востав по гласу Твоему, воспою спасаемый: Аллилуиа.

Икос3

Имеяй власть над смертию, из ада души воззвал еси, Иисусе. Воззови и мене из глубины греховныя, да и аз, очистив чувствия, блистающу Ти во свете неприступнем, радостно воспою победную песнь тако:

Иисусе, смерти Победителю, победи моя злыя страсти.

Иисусе, жизни Подателю, даждь ми жизнь спасительную.

Иисусе, Источниче радости, возвесели сердце мое во истине Твоей.

Иисусе, пятию хлебы пять тысящ насытивый, хлебом небесным напитай мя.

Иисусе, надеждо падших, изми мя из рова зол моих.

Иисусе воскресший, воскреси души наша.

Кондак 4

Буря страстей смущает и потопляет мя, но молю Тя, Иисусе: яко Петру, простри ми руку помощи, и, силою Воскресения Твоего воздвигнув мя, научи воспевати: Аллилуиа.

Икос 4

Слышащи радостную весть Воскресения Твоего, Иисусе, небеса достойно веселятся, земля же радуется: и мы, празднующе вечное веселие, дерзаем взывати Тебе сице:

Иисусе, седяй во свете неприступнем, буди доступен всем по милосердию Твоему.

Иисусе, любяй создания Твоя, не забуди и мене последняго.

Иисусе, влекий к Себе сердца, смягчи и мое окаянное серце.

Иисусе, вся благая прошения исполняяй, исполни и мое прошение, во еже паче всего любити Тя.

Иисусе, всяку каплю слезную приемляй, не отрини моих молений.

Иисусе воскресший, воскреси души наша.

Кондак 5

Богоприятная жизнь источается от Тебе, о, Иисусе, Сыне Бога Живаго! Сего ради молю Тя, да не погубит мя человекоубийца и да не заградит уста моя, вопиющая Тебе: Аллилуиа.

Икос 5

Видевше духом воскресшаго Господа, приидите, пиво пием новое, не от камене истекшее, но от источника нетленнаго и живоноснаго гроба Спасителя, имже безплодную землю душ наших одождив, научи всех пети Ему сице:

Иисусе, напаяяй нас Своею Кровию, даруй мне неоскудно приимати Пречестную Кровь сию.

Иисусе, низпосылаяй дождь на праведныя и грешныя, ороси и мя к плодоношению духовному.

Иисусе, не возгнушавыйся грешницы покаявшияся, даждь и мне нозе Твои омыти слезами благодарения.

Иисусе, рекий Фоме: «Блажени не видевшии, но веровавшии», даждь ми веру нелицемерную.

Иисусе, рекий: «Ищите и обрящете», даруй ми обрести Тя единаго на потребу.

Иисусе воскресший, воскреси души наша.

Кондак 6

Проповедуяй в дусе неумолкающаго радования Твое живоносное Воскресение, Иисусе Боже мой, да буду и аз, грешный, причастник сего Воскресения, поя Тебе непрестанно в горнем Иерусалиме: Аллилуиа.

Икос 6

Возсиявый всему миру Воскресением Своим Господь Иисус Христос, ныне вся исполняет света: небо же, и землю, и преисподняя, да празднует убо вся тварь Христово востание, в немже утверждаеми вопием сице:

Иисусе, вся исполняяй светом Твоим, просвети и мои омраченныя очи.

Иисусе, небо и землю сочетавый, возведи мя от земли на небо.

Иисусе, снизшедый светом Божества в преисподняя, сниди в преисподнюю души моея.

Иисусе, возведый из темниц адовых ожидавшия Тя души, изведи и мя грешнаго из мрака уныния, яко живот мой аду приближися.

Иисусе, всем простираяй пречистеи руце Твои, объими и мя окаяннаго.

Иисусе воскресший, воскреси души наша.

Кондак 7

Хотяй открыти силу Божества Своего, Господь покрывается печатию Каиафы, да не нарушив оныя пред стрегущими, победоносно востанет и научит пети: Аллилуиа.

Икос 7

Дивно и непостижно есть, како вчера спогребшийся Тебе, Христе, днесь совостаю духом, Тебе воскресшему, и воспеваю тако:

Иисусе воскресший, всем туне жизнь подаваяй, окрыли ум мой, да Тебе последствует.

Иисусе, освятивый землю Твоими стопами, освяти мысль мою к Тебе возносящуюся.

Иисусе, не возбранивый начертати пречистый образ Твой, даждь мне имети выну в души моей образ Твоего Воскресения.

Иисусе, приявый две лепте вдовицы, приими от мене песнь сию.

Иисусе, не осудивый блудницы, но на путь истины наставивый ю, не осуди и моих нечистых уст, в песнопении Тя лобызающих.

Иисусе воскресший, воскреси души наша.

Кондак 8

Странно Бога вочеловечшася и воскресша мысленно видяще, всякое житейское отложим попечение, яко да Царя всех подымем и воспоем Ему: Аллилуиа.

Икос 8

Весь был еси любовь к падшим человеком, о Иисусе, и поставил еси на Божественней стражи Богоглаголиваго Аввакума, да покажет светоносна Ангела, ясно глаголюща о воскресении Твоем. Темже и мы зовем Тебе сице:

Иисусе, стрегомый воинами, посли паки Ангела Хранителя на стражу души моея, егоже аз отгоняю грехи моими.

Иисусе, ослепивый очи стрегущим Тя блистанием Божества, отврати очи мои от суеты и просвети к познанию истины.

Иисусе, вопрошавый Апостола Петра: «Любиши ли Мя?», даждь мне имети образ любве его.

Иисусе, простивый тому Апостолу отречение, прости и мне ежечасныя отречения от повелений Твоих.

Иисусе, давый власть вязати и решити, разреши мя от неправд моих.

Иисусе воскресший, воскреси души наша.

Кондак 9

Все естество человеческое, Тобою восприятое, прославися воскресением Твоим, Иисусе, и сего ради даруеши телесем нетление. Темже мы, видяще сие знамение в останках святых, вопием со умилением: Аллилуиа.

Икос 9

Ветии Богоглаголивии утренюют духом, сретая Тя исходяща из гроба, и вместо мира приносят Ти песнь. яко Солнцу Правды и Владыце, с нимиже наша молитвы приими сицевыя:

Иисусе, приемый миро на Тя излиянное, приими и мною излиянныя славословия.

Иисусе, Солнце истины, просвети душу мою.

Иисусе, рыбари соделавый ловцы человеков, улови и мою злую волю во Твое послушание.

Иисусе, из Савла соделавый первоверховнаго Апостола, вразуми и мя заблуждающаго.

Иисусе, молитвами Апостола сего и всех святых Твоих пощади мя грешнаго.

Иисусе воскресший, воскреси души наша.

Кондак 10

Спасти хотяй род человеческий, Иисусе, снизшел еси на землю и, Бог сый, восприял еси немощи наша, да и в них явится сила Твоя, подвизающая пети: Аллилуиа.

Икос 10

Царю воскресший Иисусе Христе, Спасителю наш! Ты, снизшедый в преисподняя земли и сокрушивый вереи вечныя, содержащия связанныя души, свободи и мене от уз греха, взывающа Тебе сице:

Иисусе, вручивый возлюбленнаго ученика Матери Твоей, вручи и мя спасительному Ея смотрению.

Иисусе, страдания Матере Твоея обративый в радость, даждь и мне, окаянному, терпеливо понести крест мой.

Иисусе, давый мирови Заступницу Матерь Твою, даждь и мне, грешному, быти под кровом Ея.

Иисусе, младенцем не возбранивый прикасатися к Тебе, даруй мне их незлобие.

Иисусе, рекий блуднице: «Иди, и отселе не согрешай», даждь ми ктому не прогневляти Тя.

Иисусе воскресший, воскреси души наша.

Кондак 11

Пение умиленное о Воскресении Твоем даруй мне принести Тебе, о Спасителю мой, и в нем да приимет душа моя елей исцеления от душевредных мечтаний, и да поет выну Тебе: Аллилуиа.

Икос 11

Светоприимно от Воскресения Твоего восприявше лучи благодати и чрез них, яко в зерцале, видяще духовное Твое живоносное востание, покланяемся Кресту Твоему Честному и святое Воскресение Твое поем и славим сице:

Иисусе, преклонивый небеса, приими поклонение наше благоутробно.

Иисусе, уснувый плотию яко мертв, умертви наша плотския похоти.

Иисусе, всего Себе давый на спасение человеков, даждь и мне всецело предатися Тебе.

Иисусе, возшедый на небеса уготовати место любящим Тя, всели и мя во обители Твоя.

Иисусе, седяй одесную Отца, десным овцам сопричти мя.

Иисусе воскресший, воскреси души наша.

Кондак 12

Благодать даждь и мне, всех возлюбивый Иисусе, и приими мое моление яко дань, приносимую Тебе, и отжени от души моея вся лукавая помышления, да неосужденно воспою Тебе: Аллилуиа.

Икос 12

Поюще Твое всеславное Воскресение, величаем Тя, о Иисусе Христе Боже наш, и веруем, яко даруеши всем живот вечный. Того ради в сей нареченный и святый день яко братия друг друга обымем, ненавидящим нас простим вся Воскресением, и едиными усты и единым сердцем возопиим Тебе тако:

Иисусе, благословляяй благословляющия Тя, благослови и ныне посильный труд мой.

Иисусе, освящаяй на Тя уповающия, освяти желания и намерения моя.

Иисусе, обещавый быти с верными до скончания века, пребуди неотлучно и со мною, грешным.

Иисусе, Слово Ипостаси Отчей, очисти недостойное мое слово к Твоему песнопению.

Иисусе, Пасха спасительная, от смерти к жизни преводящая, всели мя в чертог Твой, просветив одеяние души моея.

Иисусе воскресший, воскреси души наша.

Кондак 13

О Иисусе Христе, смертию смерть поправый и сущим во гробех живот даровавый! Приими в воню благоухания духовнаго сие малое моление наше, и сущим нам во гробех нерадения даруй живот вечный, да поем Тебе: Аллилуиа.

(Этот кондак читается трижды, затем икос 1 и кондак 1).

Молитва

О Священнейший и Величайший Свете Христе, Возсиявый всему миру паче солнца в Воскресении Твоем! В сей пресветлый, и преславный, и спасительный день Святыя Пасхи ликуют вси Ангели на небеси, и всяка тварь веселится и радуется на земли, и всякое дыхание прославляет Тя, Творца своего. Днесь отверзошася райския врата и свободишася умершия во ад сошествием Твоим. Ныне вся исполнишася света: небо же, земля и преисподняя. Да приидет убо Твой свет и в наши мрачныя души и сердца и да просветит нашу тамо сущую нощь греха, да и мы сияти будем светом правды и чистоты в пресветлыя дни Воскресения Твоего, якоже новая тварь о Тебе. И тако просвещеннии Тобою изыдем свещеноснии во сретении Твое, исходящему Тебе из гроба, яко Жениху. И яко возвеселил еси в пресветлый день сей явлением Своим святых дев, зело заутра с миры ко гробу Твоему пришедших, тако и ныне просвети нощь глубокую страстей наших и возсияй нам утро безстрастия и чистоты, да узрим Тя сердечными очесы краснаго паче солнца Жениха своего и да услышим паки вожделенный глас Твой: «Радуйтеся!» И тако вкусивши Божественныя радости Святыя Пасхи еще зде на земли, да будем причастницы Твоея вечныя и великия Пасхи на небесех в невечернем дни Царствия Твоего, идеже будет веселие неизреченное, и празднующих глас непрестанный, и неизреченная сладость зрящих лица Твоего доброту неизреченную. Ты бо еси истинный Свет просвещаяй и освещаяй всяческая, Христе Боже наш, и Тебе слава подобает во веки веков. Аминь.

МОЛИТВА КО ГОСПОДУ ИИСУСУ РАСПЯТОМУ

На Кресте пригвожденный за ны, Иисусе Христе, Единородный Бога Отца Сыне, милости, любве и щедрот неизчерпаемая бездно! Вем, яко грехов ради моих, от неизреченнаго человеколюбия, Кровь Твою пролияти на Кресте изволил еси, юже аз, окаянный и неблагодарный, доселе скверными моими делы попирах и нивочтоже вменях. Тем убо из глубины беззакония и нечистоты моея умныма очима на Распятаго Тя на Кресте Искупителя моего воззрев, со смирением и верою во глубину язв, Твоего милосердия исполненных, себе повергаю, грехов прощения и сквернаго жития моего исправления прося. Милостив буди мне, Владыко и Судие мой, не отрини мя от лица Твоего, но всесильною Твоею рукою Сам мя к Тебе обрати и на путь истиннаго покаяния настави, да отныне положу спасения моего начало. Божественными страданьми Твоими укроти моя плотския страсти; излиянною Твоею Кровию очисти моя душевныя скверны; распятием Твоим распни мя миру с соблазнами его и похотьми; Крестом Твоим огради мя от невидимых враг, ловящих душу мою. Прободенными ногами Твоими от всякаго пути лукаваго возбрани ногам моим; прободенными руками Твоими руце мои от всякаго неугоднаго Тебе дела воздержи. Пригвожденный плотию, пригвозди страху Твоему плоть мою, да уклонився от зла, творю благо пред Тобою. Преклонивый главу Твою на Кресте, к земли смирения приклони вознесенную мою гордыню; венцем Твоим терновым огради моя ушеса, во еже не слышати неполезнаго; желчь устами вкусивый, положи хранение нечистым устом моим; отверстое копием имеяй сердце, сердце чисто во мне созижди; всеми Твоими язвами, всего мя сладце в любовь Твою уязви, да Тебе, Господа моего, возлюблю всею душею, всем сердцем, всею крепостию и всем помышлением. Даждь ми Себе странна и неимуща, где главы подклонити; даждь ми Себе Всеблагаго, избавляющаго душу мою от смерти; даждь мне Себе Всесладкаго, услаждающаго мя в скорбех и напастех Своею любовию, да Егоже первее ненавидех, прогневлях, от себе изгонях и ко Кресту пригвождах, сего ныне возлюблю, радуяся прииму и сладце Крест Его до конца жизни моей понесу. Не даждь отселе, о всеблагий Искупителю мой, ни единой моей воле совершатися, понеже зла есть и непотребна, да не паки впаду в тяжкую работу царствовавшаго во мне греха; но Твоя воля благая, спасти мя хотящая, да совершается во мне всегда, ейже мя вручая, Тебе, Распятаго Господа моего, умным очесем моего сердца представляю и молю из глубины души, да и в разлучении моем от бреннаго моего тела, Тебе Единаго на Кресте Твоем узрю, в руце мя защищения Своего приемлюща, и от воздушных духов злобы храняща, вселяюща же со грешники, покаянием Тебе благоугодившими. Аминь.

Последование пассии бывает 4 раза в год (по числу евангелистов): во второе, третье, четвертое и пятое воскресенья Великого Поста, по вечерам.

На этих службах воспоминаются спасительные страдания Господа Иисуса Христа. За каждой пассией прочитываются евангельские повествования об этом. По традиции во время чтения Евангелия молящиеся стоят с зажженными свечами в руках.

Кроме того, на пассии мы слышим некоторые трогательные песнопения из богослужения Великой Пятницы — дня телесной смерти Господа. Они возносят нас на Голгофу, вновь и вновь напоминая о конечной цели Поста — сораспятии со Христом. В конце службы все верующие с благоговением подходят поклониться перед Распятием, Крестом Христовым, который на пассии выносится на середину храма.

На пассии непременно произносится проповедь с поучением об Искуплении. Ранний чин этой службы не предусматривал каких-либо частей, но народное благочестие добавило к Евангелию и проповеди еще и акафист — Кресту Христову или Страстям Господним, которые обычно поются не только певчими, но и всеми богомольцами. Не удивительно, что пассию так любят русские православные христиане. Пассии производят глубокое впечатление на верующих. Своим внутренним содержанием они доставляют молящимся высокое духовное утешение и назидание.

Для тех, кто по каким-то причинам не мог быть на первой Пассии, которая состоялая в нашем храме 7 марта, мы размещаем аудиозапить этого удивительного богослужения: http://optina-msk.ru/audio/1657-akafist-strastyam-gospodnim-pervaya-passiya

Ирина Высоковская Дата публикации: 27.03.2016

Слово «пассия» происходит от латинского «passio», что значит— «страдание» (по церковнославянски — «страсть»). Так называются особые службы, совершаемые Великим постом. Пассии обязаны своим названием тому, что их чин составлен из песнопений Страстной седмицы, чтения евангельских повествований о Страстях Христовых, а также акафиста Божественным Страстям Господним и поучения о спасительном значении искупительных страданий Спасителя.

Свое начало пассии получили на Западе, где они представляли собой драматическое изображение Крестных страданий Христа Спасителя. В XVIII веке благодаря Иоганну Себастиану Баху пассия приобрела характер величественных хоралов, которые исполнялись всей общиной верующих с музыкальным сопровождением.


В Русской Православной Церкви пассии впервые появляются в XVII веке на юго-западе Руси, а в 1702 году чин пассии впервые был напечатан в Киево-Печерской лавре, как прибавление к богослужебному Уставу. Святитель Иннокентий, архиепископ Херсонский и Таврический составил службу с акафистом Божественным Страстям Христовым.
Таким образом, пассия в Православной Церкви является церковным последованием, богослужебным чином, а не драматическим изображением Крестных страданий с преобладанием музыкального элемента, как в Западной Церкви. Пассия приготовляет верующих к грядущим воспоминаниям Страстной недели.

В современной богослужебной практике Русской Православной Церкви распространен обычай совершать пассии — поклонение Святым Страстям Христовым в вечер четырех воскресных дней Великого поста.

Перед великой вечерней посреди храма поставляется большое Распятие.

Во время пения стихиры Великого Пятка «Тебе, Одеющагося….» отверзаются Царские врата и из алтаря выносится Святое Евангелие, которое полагается на аналое перед Крестом.

Вечерня Великого Пятка стихира Погребения
Тебе́ оде́ющагося све́том, я́ко ри́зою, снем Ио́сиф с дре́ва с Никоди́мом и, ви́дев ме́ртва на́га непогребе́на, благосе́рдный плач восприи́м, рыда́я, глаго́лаше: увы́ мне, Сладча́йший Иису́се! Его́же вма́ле со́лнце на Кресте́ ви́сима узре́вшее мра́ком облага́шеся, и земля́ стра́хом колеба́шеся, и раздира́шеся церко́вная заве́са, но се ны́не ви́жу Тя, мене́ ра́ди во́лею подъе́мша смерть. Ка́ко погребу́ Тя, Бо́же мой, или́ ка́кою плащани́цею обвию́? Ко́има ли рука́ма прикосну́ся нетле́нному Твоему́ Те́лу? Или́ ки́я пе́сни воспою́ Твоему́ исхо́ду, Ще́дре? Велича́ю Стра́сти Твоя́, песносло́влю и погребе́ние Твое́ со Воскресе́нием, зовы́й: Го́споди, сла́ва Тебе́
Хро Сретенского монастыря

Затем следует чтение акафиста Божественным Страстям Христовым. Во время чтения акафиста диакон непрерывно кадит Крест. Далее следует прокимен и чтение Евангелия. Перед чтением Евангелия хор поет: «Сла́ва Страсте́м Твои́м, Го́споди!»

Прокимен Святых Страстей
Раздели́ша ри́зы Моя́ себе́, и о оде́жди Мое́й мета́ша жре́бий.

Хор Сретенского монастыря

По прочтении Евангелия поется 15-й антифон службы Великого Пятка:
Днесь ви́сит на дре́ве, И́же на вода́х зе́млю пове́сивый; венце́м от те́рния облага́ется, И́же а́нгелов Царь; в ло́жную багряни́цу облачи́тся, одева́яй не́бо о́блаки; зауше́ние прия́т, И́же во Иорда́не свободи́вый Ада́ма; гвоздьми́ пригвозди́ся Жени́х Церко́вный; копие́м прободе́ся Сын Де́выя. Покланя́емся Cтрасте́м Твои́м, Христе́. Покланя́емся Страсте́м Твои́м, Христе́. Покланя́емся Cтрасте́м Твои́м, Христе́. Покажи́ нам и сла́вное Твое́ Воскресе́ние.

Хор Сретенского монастыря

Когда пение закончится произносится проповедь о Страданиях Спасителя, а затем коленопреклоненно читается молитва ко Господу Иисусу Христу Распятому.

Затем хор поет стихиру Великой Субботы: «Придите, ублажим…» и духовенство и все молящиеся прикладываются ко Кресту.

Стихира на целование плащаницы
Прииди́те, ублажи́м Ио́сифа приснопа́мятнаго, в нощи́ к Пила́ту прише́дшаго, и Живота́ всех испроси́вшаго: даждь ми Сего́, Стра́ннаго, И́же не име́ет где главы́ подклони́ти; даждь ми Сего́, Стра́ннаго, Его́же учени́к лука́вый на смерть предаде́; даждь ми Сего́, Стра́ннаго, Его́же Ма́ти зря́щи на Кресте́ ви́сяща, рыда́ющи вопия́ше, и ма́терски восклица́ше: увы́ Мне, Ча́до Мое́! Увы́ Мне, Све́те Мой, и утро́ба Моя́ возлю́бленная! Симео́ном бо предрече́нное в це́ркви днесь собы́сться, Мое́ се́рдце ору́жие про́йде, но в ра́дость Воскресе́ния Твоего́ плач преложи́. Покланя́емся Страсте́м Твои́м, Христе́, покланя́емся Страсте́м Твои́м, Христе́, покланя́емся Страсте́м Твои́м, Христе́, и Свято́му Воскресе́нию.

Хор Сретенского монастыря

Пассия, как молитвенное памятование о страданиях Спасителя, предваряющее несколько раз в течение Великого поста священные воспоминания Великой Пятницы, вместе со всеми другими церковными богослужениями ведет нас через поприще Святой Четыредесятницы к седмице Страстей Христовых и Его Славному Воскресению.

Пассия — аудио на сайте Азбука.ru
Песнопения Великого Поста. Хоры СТСЛ и МДАиС — аудио на сайте Азбука.ru

Акафист Страстям Христовым

Добавить комментарий

Ваш адрес email не будет опубликован. Обязательные поля помечены *